عید الفطر کے دن پشاور کے 3 اضلاع میں ڈوبنے کے واقعات

ویب ڈیسک

11th Apr, 2024. 05:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عید الفطر کے دن پشاور کے 3 اضلاع میں ڈوبنے کے واقعات

عید الفطر کے پُرمسرت موقع پر پشاور کے 3 اضلاع میں ڈوبنے کے افسوسناک واقعات رونما ہوئے۔

ریسکیو 1122 کے مطابق پشاور کے 3 اضلاع چارسدہ، نوشہرہ اور کوہاٹ میں 18 افراد ڈوب گئے۔

ریسکیو 1122 کے ترجمان کے مطابق غوطہ خوروں نے اب تک 8 افراد کو زندہ نکال لیا ہے۔

عید کے دن پشاور کے ضلع نوشہرہ کے کنڈ پارک میں کشتی ڈوبنے کے افسوسناک واقعہ میں 10 افراد ڈوب گئے جن میں سے 3 افراد کو ریسیکیو حکام نے زندہ نکال لیا گیا۔

ریسکیو حکام کا کہنا ہے کہ ضلع چارسدہ خیالی نہر میں 6 افراد نہاتے ہوئے ڈوب گئے جن میں سے 3 کو زندہ نکال لیا گیا.

پشاور کے ضلع کوہاٹ میں ڈیم میں نہاتے ہوئے 2 افراد ڈوب گئے تھے مگر خوش قسمتی سے دونوں افراد کو زندہ نکال لیا گیا۔

ریسکیو 1122 کے ترجمان کے مطابق کنڈ پارک سرچ آپریشن میں ریسکیو 1122 نوشہرہ، مردان اور صوابی کی ٹیمیں حصہ لے رہی ہیں۔

ریسیکیو 1122 کا کہنا ہے کہ وزیر اعلی خیبرپختونخوا کی ہدایات پر پہلے ہی سیاحتی مقامات پر غوطہ خور ٹیمیں تعینات کی گئیں تھیں.