ملکی معیشت کو سنبھالنے کے لیے سب کو مل کر چلنا ہوگا، خورشید شاہ

ویب ڈیسک

12th Apr, 2024. 02:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملکی معیشت کو سنبھالنے کے لیے سب کو مل کر چلنا ہوگا، خورشید شاہ

سکھر: پاکستان پیپلز پارٹی کے مرکزی رہنما سید خورشید شاہ نے کہا کہ ملکی معیشت کو بہتر کرنے کے لیے اپوزیشن کو بھی ساتھ مل کر چلنا ہوگا۔

پاکستان پیپلز پارٹی کے سینئر رہنما سید خورشید شاہ کہتے ہیں کہ اپوزیشن میں موجود پارٹیوں کا ایجنڈا ملکی معیشت کی بہتری ہونا چاہئیے، ملک کی معیشت کو بہترکرنے کے لیے زرعی اصلاحات پر توجہ دینی ہوگی۔

خورشید شاہ نے کہا کہ پی پی نے اپنے دور حکومت میں زرعی اصلاحات کیں تو ملک زرعی اجناس ایکسپورٹ کرنے لگا تھا جب کہ اس وقت بھی ملکی معیشت کو بہتر کرنا کوئی بڑی بات نہیں ہے لیکن صرف منصوبہ بندی کی ضرورت ہے جس سے ملک کی معیشت بہتر ہوجائے گی۔

ان کا کہنا تھا کہ 2018 والے حکمران نے کہا کہ ایک مہینے میں ملکی معیشت درست کردے گا، یہ ہی غلط تھا کہ ملکی معیشت کو درست کرنے پر سابقہ حکمرانوں نے کوئی توجہ نہیں دی۔

پی پی رہنما نے مزید کہا کہ موجودہ حکومت کو ملکی معیشت کو بہتر کرنے کے لیے فوری اقدامات کرنا ہوں گے، اپوزیشن کو بھی پرانی باتوں کو درگزر کرکے آگے بڑھنا چاہیئے۔