بجلی چوروں کے خلاف کریک ڈاؤن تیز کیا جائے، وزیر اعلیٰ پنجاب

خرم ملک

04th Jun, 2024. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی چوروں کے خلاف کریک ڈاؤن تیز کیا جائے، وزیر اعلیٰ پنجاب

وزیر اعلی پنجاب مریم نواز شریف نے بجلی چوروں کے خلاف کریک ڈاؤن تیز کرنےکی ہدایت کی ہے۔

ترجمان پنجاب پولیس کے مطابق پنجاب پولیس نے لاہور سمیت صوبہ بھر میں بجلی چوروں کے خلاف 99 ہزار 700 سے زائد مقدمات درج کر لیے ہیں۔

پنجاب پولیس کے مطابق لاہور سمیت صوبہ بھر سے بجلی چوری میں ملوث 71 ہزار 600 سے زائد ملزمان کو گرفتار کرلیا گیا ہے، اس کے علاوہ بجلی چوری کے 69 ہزار 500 سے زائد مقدمات کے چالان مکمل کر لیے گیے ہیں۔

ترجمان پنجاب پولیس نے کہا کہ قومی خزانے کو نقصان پہنچانے والے 17 ہزار 800 ملزمان کو سزائیں اور جرمانے کیے گیے ہیں۔

آئی جی پنجاب ڈاکٹر عثمان انور کا کہنا ہے کہ لاہور سمیت ہر ضلع میں 660 پولیس اہلکار بجلی چوروں کے خلاف جاری مہم میں معاونت فراہم کر رہے ہیں جبکہ انہوں یہ بھی کہا کہ صوبہ بھر میں بجلی چوروں کے خلاف کریک ڈاؤن کو مزید تیز کیا جائے اور قومی خزانے کو نقصان پہنچانے والے ملزمان کے خلاف زیرو ٹالرنس، بلا امتیاز کاروائیاں جاری رکھی جائیں۔