جماعت اسلامی کا ملک بھر میں دھرنے دینے کا اعلان

عمر حیات خان

01st Aug, 2024. 02:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جماعت اسلامی کا ملک بھر میں دھرنے دینے کا اعلان

امیرجماعت اسلامی حافظ نعیم الرحمان نے مہنگائی اور آئی پی پیز کے معاہدوں کے خلاف ملک بھر میں دھرنے شروع کرنے کا اعلان کر دیا ہے۔

امیرجماعت اسلامی حافظ نعیم الرحمن کی صدارت میں دھرنے کے پلان سی سے متعلق اجلاس ہوا۔ جس میں عوامی دھرنے کو مزید فعال کرکے چاروں صوبائی دارلحکومتوں میں دھرنے دینے کا فیصلہ کرلیا ہے۔

ذرائع کے مطابق جماعت اسلامی نے عوامی دھرنے کے 14 اگست تک کے تمام انتظامات مکمل کرلیے ہیں، کل سے کراچی میں جماعت اسلامی دھرنا دے گی، اس کے علاوہ جماعت اسلامی چند روز بعد پشاور لاہور اور کوئٹہ میں دھرنے دے گی۔

ذرائع نے بتایا گیا کہ صوبائی ہیڈ کوآرٹرز کے بعد ڈویژنل لیول پراحتجاج شروع کیا جائے گا، جماعت اسلامی کے سیکرٹری اطلاعات قیصر شریف نے پلان سی سے متعلق تصدیق کرتے ہوئے کہا کہ جماعت اسلامی نے دھرنے کی 14 اگست تک کی تیاری کرلی ہے۔

قیصرشریف نے کہا کہ جماعت اسلامی کا دھرنا پرامن ہے اور رہے گا جبکہ حکومت کو آئی پی پیز کے معاہدوں پرنظرثانی کرنا پڑے گی۔

واضح رہے کہ اجلاس میں صوبائی امراء جماعت اسلامی سمیت تمام قیادت نے شرکت کی۔