چیئرمین سینٹ یوسف رضا گیلانی نے کہا ہے کہ انتہا پسندی ملک کے لیے خراب ہے۔

یوم آزادی کی مناسبت سے چیئرمین سینٹ یوسف رضا گیلانی نے سویٹ ہوم میں تقریب میں شرکت کی۔

انہوں نے سویٹ ہوم کے بچوں کے ساتھ پرچم کے ساتھ پریڈ میں حصہ لیا۔

چیئرمین سینٹ یوسف رضا گیلانی نے تقریب سے خطاب کرتے ہوئے کہا کہ تعلیم کی وجہ سے پاکستان سویٹ ہوم کے بچے ڈاکٹر اور بڑے آفیسر بن رہے ہیں، محترمہ بینظیر کا پیغام تھا کہ ہم نے ملک کے بچے اور بچیوں کو تعلیم  دینی ہے۔

ان کا کہنا تھا کہ ملالہ یوسفزئی کو بھی امن ایوارڈ سے نوازہ گیا، میں سب سے پہلے خراج تحسین پیش کرتا ہوں ان لوگوں کو جنہوں نے سویٹ ہوم میں حصہ لیا۔

 یوسف رضا گیلانی نے کہا کہ وزیرستان کے واقع میں 25 لاکھ متاثر ہوئے، 25 لاکھ لوگ جو ملٹری آپریشن میں متاثر ہوئے، 90 دن کے اندر وہ اپنے گھروں میں موجود تھے۔

انہوں نے کہا کہ دنیا کی طاقتیں ہمارے ساتھ تھیں، پورے ملک میں دہشتگردی کی لہر کو ختم ہونا چاہئے، افغانستان ہمارہ جڑواں بھائی ہے، ہم چاہتے ہیں کہ افغانستان میں بھی امن ہو اور وہاں کے بچے بچیاں تعلیم حاصل کر سکیں

چیئرمین سینٹ کا کہنا تھا کہ ہماری نئی نسل 65 فیصد ہے، ان سب کو تعلیم دی جائے تو پاکستان کے لیے بہت بڑا اثاثہ ہے، انتہا پسندی ملک کے لیے خراب ہے، محترمہ بینظیر نے بھی دہشتگردی میں ہی شہادت حاصل کی، پاکستان کی یوتھ ملک کے لیے اثاثہ بنے گی۔