ابرار احمد، کامران غلام اور عامر جمال کی ٹیسٹ اسکواڈ میں واپسی
ابرار احمد اور کامران غلام نے بنگلہ دیش کے خلاف 30 اگست سے 3 ستمبر تک راولپنڈی کرکٹ اسٹیڈیم میں ہونے والے دوسرے ٹیسٹ میچ سے قبل پاکستانی ٹیسٹ اسکواڈ میں شمولیت اختیار کر لی ہے۔
دونوں کھلاڑیوں کو پہلے ٹیسٹ میچ کے آغاز سے قبل ہی ٹیسٹ اسکواڈ سے ریلیز کرکے 20 سے 23 اگست تک بنگلا دیش ‘اے’ کے خلاف چار روزہ میچ میں پاکستان شاہینز کے اسکواڈ میں شامل کرلیا گیا تھا۔
بیٹے کی ولادت کے باعث پہلے ٹیسٹ کے اختتام پر اسکواڈ سے الگ ہونے والے شاہین شاہ آفریدی بھی دوبارہ اسکواڈ میں شامل ہو گئے ہیں۔
اس کے علاوہ عامر جمال کو بھی اسکواڈ میں واپس بلا لیا گیا ہے تاہم دوسرے ٹیسٹ میں ان کی شرکت فٹنس کلیئرنس سے مشروط رہے گی۔
عامر جمال کو این سی اے میں اپنی فٹنس پر کام کرنے کے لیے پہلے ٹیسٹ کے اسکواڈ سے باہر کیا گیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
