آرٹیکلز
-
پی این آئی لسٹ؛ لاہورہائیکورٹ نے ڈی جی ایف آئی اے کو ذاتی حیثیت میں طلب کر لیا
-
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
-
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
-
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع
Advertisement
پی این آئی لسٹ کیس؛ ہائیکورٹ نے ڈی جی ایف آئی اے کو ذاتی حیثیت میں طلب کر لیا
لاہورہائی کورٹ نے پی این آئی ایل لسٹ میں شہریوں کےنام شامل کرنے کےخلاف کیس میں ڈی جی ایف آئی اے کو ذاتی حیثیت میں طلب کرلیا۔
لاہورہائیکورٹ میں پی این آئی ایل لسٹ میں شہریوں کےنام شامل کرنے کےخلاف کیس کی سماعت کے دوران عدالت نے شہریوں کےڈالے گئے ناموں کی تفصیلات پیش نہ کرنے پرسخت اظہار برہمی کیا۔
ہائیکورٹ نے آئندہ سماعت پر جواب جمع نہ کرانے پر ڈی جی ایف آئی اے کو ذاتی حیثیت میں طلب کرلیا۔ عدالت نےجواب جمع کرانے کا آخری موقع دیتے ہوئے سماعت 10دسمبرتک ملتوی کردی۔
ڈپٹی اٹارنی جنرل محمد لطیف نےجواب کےلیے مہلت کی استدعا کی، گذشتہ ایک ہفتے سے ایف آئی اے کا دفتر بند رہاہے۔ اس پرعدالت نے استفسارکیا کہ رپورٹ کی تیاری میں اورکتنے سال لگیں گے۔ عدالت کاحکم کتنا پرانا ہےاوروکیل نےبھی جلد سماعت کی درخواست دی ہے۔
چیف جسٹس عالیہ نیلم نے کہا کہ گذشتہ سماعت پربھی عدالت نے جواب جمع کرانے کےلئے دس یوم کی مہلت دی تھی۔
Advertisement
درخواست گزار نے وکیل اظہرصدیق کےذریعےعدالت سے رجوع کررکھا ہے، وکیل کا مؤقف تھا کہ عبوری شناختی فہرست بنانے کا مقصد انسانی سمگلروں کی روک تھام ہے۔ سیاسی دباوپر99 فیصد سیاسی کارکنوں کےنام اس لسٹ میں شامل کئے گئے۔ استدعا ہے کہ عدالت عبوری شناختی فہرست میں شامل سیاسی افراد کےنام نکالنے کاحکم دے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
