سیکیورٹی فورسز کا بلوچستان کے ضلع کچھی میں آپریشن؛ 27 دہشت گرد جہنم واصل

سلمان علی اعوان

13th Jan, 2025. 07:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سیکیورٹی فورسز کا بلوچستان کے ضلع کچھی میں آپریشن؛ 27 دہشت گرد جہنم واصل
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

سیکیورٹی فورسز کا بلوچستان کے ضلع کچھی میں آپریشن؛ 27 دہشت گرد جہنم واصل

راولپنڈی: سیکیورٹی فورسز نے بلوچستان کے ضلع کچھی میں انٹیلیجنس بیسڈ آپریشن کرتے ہوئے 27 دہشت گردوں کو جہنم واصل کردیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع کچھی میں انٹیلیجنس بیسڈ آپریشن کیا۔

آئی ایس پی آر کا کہنا ہے کہ دہشت گردوں کی موجودگی کی اطلاع پر کارروائی کی گئی جس دوران سیکیورٹی فورسز نے دہشت گردوں کے ٹھکانے کو خفیہ طور پر گھیرے میں لے لیا۔

ترجمان پاک فوج نے بتایا کہ آپریشن کے دوران موثر کارروائی میں 27 دہشت گرد مارے گئے جب کہ دہشتگردوں کے ٹھکانے کو تباہ کردیا گیا ہے۔

پاک فوج کے شعبہ تعلقات عامہ کا کہنا تھا کہ دہشت گردوں سے اسلحہ اور گولہ بارود برآمد ہوا جب کہ ہلاک دہشت گرد سیکیورٹی فورسز پر حملوں اور بے گناہ شہروں کے قتل میں ملوث تھے جو قانون نافذ کرنے والے اداروں کو انتہائی مطلوب تھے۔

ترجمان پاک فوج کا مزید کہنا تھا کہ سیکیورٹی فورسز بلوچستان میں امن و استحکام کو سبوثاژ کرنے کی کوشش کو ناکام بنانے کے لئے پرعزم ہے۔