6 یا 7 جون؟ عیدالاضحیٰ کی حتمی تاریخ کا انکشاف بس قریب ہے

ویب ڈیسک

25th May, 2025. 10:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

6 یا 7 جون؟ عیدالاضحیٰ کی حتمی تاریخ کا انکشاف بس قریب ہے

سعودی عرب سمیت خلیجی ممالک اور دنیا بھر کے مسلمان اس اعلان کا انتظار کر رہے ہیں

ریاض: سعودی عرب کی سپریم کورٹ نے شہریوں سے اپیل کی ہے کہ وہ 27 مئی 2025 بروز منگل کو ذوالحج کا چاند دیکھنے کی کوشش کریں تاکہ عیدالاضحیٰ کی تاریخ کا تعین کیا جا سکے۔

عرب نیوز اور سعودی پریس ایجنسی (SPA) کے مطابق، سعودی سپریم کورٹ نے واضح کیا ہے کہ اگر 27 مئی کو چاند نظر آتا ہے تو 28 مئی کو یکم ذوالحج ہوگی اور عیدالاضحیٰ 6 جون (جمعہ) کو منائی جائے گی۔

تاہم اگر منگل کو چاند نظر نہ آیا تو ذوالحج کا آغاز 29 مئی (جمعرات) سے ہوگا، جس کے تحت عیدالاضحیٰ کا پہلا روز 7 جون (ہفتہ) کو ہوگا۔

عدالت نے شہریوں اور مقامی رویت ہلال کمیٹیوں سے کہا ہے کہ وہ نہ صرف خود چاند دیکھنے کی کوشش کریں، بلکہ اگر چاند نظر آئے تو قریبی عدالت یا مقامی مرکز سے رابطہ کر کے گواہی درج کرائیں تاکہ شرعی طریقہ کار کے مطابق فیصلہ کیا جا سکے۔

سعودی عرب سمیت خلیجی ممالک اور دنیا بھر کے مسلمان اس اعلان کا انتظار کر رہے ہیں، کیونکہ اسی کے مطابق حج کی تاریخیں اور عیدالاضحیٰ کے ایام طے کیے جاتے ہیں۔