حکومتِ پاکستان نے چینی کی قیمتوں میں شفافیت اور عوام کو ریلیف فراہم کرنے کے لیے ایک اہم فیصلہ کیا ہے، جس کے تحت چینی کی پیداواری لاگت کے تعین کے لیے آزاد آڈٹ کرایا جائے گا۔
اس فیصلے پر شوگر ملز مالکان نے بھی اتفاق کا اظہار کیا ہے، جسے ایک مثبت پیشرفت قرار دیا جا رہا ہے۔
یہ پیش رفت اس وقت سامنے آئی جب وفاقی وزیر صنعت و پیداوار رانا تنویر حسین کی زیر صدارت شوگر ملز مالکان سے ایک اہم ملاقات ہوئی، جس میں چینی کی موجودہ قیمتوں، آئندہ پالیسی اور صارفین کو ریلیف فراہم کرنے سے متعلق امور پر تفصیلی گفتگو ہوئی۔
مزید پڑھیں: قیمتیں بڑھنے کے باوجود وفاقی حکومت چینی کی برآمد روکنے میں ناکام
ملاقات میں فیصلہ کیا گیا کہ عیدالفطر تک چینی کی قیمتوں میں عارضی کمی کی جائے گی تاکہ عوام کو فوری ریلیف دیا جا سکے۔ عید کے بعد پیداواری لاگت کی بنیاد پر چینی کی نئی قیمت کا باقاعدہ اعلان کیا جائے گا۔
Advertisement
وزارتِ فوڈ سیکیورٹی اور شوگر ملز مالکان کے درمیان یہ بھی طے پایا ہے کہ پیداواری لاگت کے تعین کے لیے آزاد، غیرجانبدار آڈٹ کرایا جائے گا تاکہ قیمتوں کا تعین شفاف انداز میں ہو اور کسی بھی قسم کی مصنوعی مہنگائی کا سدباب کیا جا سکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
