شاہراہ قراقرم چھوٹی گاڑیوں کے لیے کھول دی گئیں، بابوسر ٹاپ بدستور بند

ویب ڈیسک

22nd Jul, 2025. 07:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

شاہراہ قراقرم چھوٹی گاڑیوں کے لیے کھول دی گئیں، بابوسر ٹاپ بدستور بند
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

شاہراہ قراقرم چھوٹی گاڑیوں کے لیے کھول دی گئیں، بابوسر ٹاپ بدستور بند

گلگت بلتستان میں حالیہ شدید بارشوں اور سیلابی صورتحال کے باعث کئی علاقوں میں ہنگامی صورتِ حال پیدا ہو چکی ہے۔

ترجمان حکومت گلگت بلتستان کے مطابق، شاہراہ قراقرم اور شاہراہ ریشم (دیامر حدود میں) کو چھوٹی گاڑیوں کے لیے کھول دیا گیا ہے، تاہم بابوسر ناران شاہراہ ہر قسم کی ٹریفک کے لیے بدستور بند ہے۔

ترجمان کے مطابق، بابوسر ٹاپ پر بحالی کا کام اور سیلابی ریلوں میں لاپتہ افراد کی تلاش کا آپریشن جاری ہے۔ متاثرہ علاقوں میں ریسکیو ٹیمیں اور مشینری مکمل طور پر الرٹ ہیں اور متاثرین کی مدد کے لیے اقدامات کیے جا رہے ہیں۔

مزید بتایا گیا ہے کہ چلاس کے علاقے تھور نالے میں اونچے درجے کا سیلاب آیا ہے جس سے آس پاس کے علاقوں کو خطرہ لاحق ہے۔ واپڈا کالونی چلاس میں پانی داخل ہو چکا ہے، جہاں اس وقت سینکڑوں واپڈا افسران اور ملازمین رہائش پذیر ہیں۔

ترجمان نے بتایا کہ گلگت بلتستان بھر میں پانی کے بہاؤ میں غیر معمولی اضافہ ہوا ہے، اور حکومت تمام متاثرہ علاقوں میں مسلسل نگرانی اور امدادی کارروائیاں جاری رکھے ہوئے ہے۔