اسلامی ممالک کی نمائندہ عالمی تنظیم او آئی سی نے غزہ میں اسرائیلی بمباری سے صحافیوں کی شہادت کے واقعے کی سخت مذمت کی ہے۔
اسلامی تعاون تنظیم (او آئی سی) نے غزہ میں صحافیوں پر اسرائیلی بمباری کی شدید مذمت کرتے ہوئے انس الشریف، محمد قریقع سمیت دیگر شہید صحافیوں کے اہل خانہ سے گہرے افسوس کا اظہار کیا ہے۔
مزید پڑھیں: سانحہ خضدار پر او آئی سی کابڑابیان سامنے آگیا
او آئی سی نے کہا کہ آزادیٔ صحافت پر اسرائیلی حملے ناقابلِ قبول ہیں اور صحافیوں کا قتل بین الاقوامی قوانین کی کھلی خلاف ورزی ہے۔ تنظیم کے مطابق صحافیوں پر حملے دراصل سچ چھپانے کی کوشش ہیں، جو عالمی برادری کے لیے لمحۂ فکریہ ہے۔
بیان میں مطالبہ کیا گیا کہ ان حملوں کی بین الاقوامی سطح پر آزادانہ تحقیقات کرائی جائیں اور عالمی ادارے فوری طور پر ایسے اقدامات کریں جن سے جنگی علاقوں میں صحافیوں کی جانیں محفوظ بنائی جا سکیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
