ابوظبی: ٹی10 لیگ میں کوئٹہ کویلری نے ویسٹا رائیڈرز کو سپر اوور میں سنسنی خیز مقابلے کے بعد شکست دے کر چھٹی مسلسل جیت کے ساتھ پلے آف مرحلے میں جگہ بنا لی۔
محمد عامر کی قیادت میں ناقابلِ شکست کوئٹہ کویلری
کوئٹہ کویلری کی قیات پاکستان کے اسٹار بالر محمد عامر کر رہے ہیں، جو اپنے تمام میچ جیت کر اب تک ایونٹ میں ناقابل شکست رہی ہے۔
کھیلے گئے تازہ ترین میچ میں کویلری نے پہلے بیٹنگ کرتے ہوئے 104 رنز بنائے، جس میں محمد وسیم کی 41 رنز کی طوفانی اننگز شامل تھی۔
مزید پڑھیں: لیگ اسپن کے خلاف ٹی 10 لیگ مدد گار ثابت ہو گی، ایلکس ہیلز
جواب میں رائیڈرز نے بین میکڈرموٹ کے 44 رنز کی بدولت اسکور برابر کیا جس کے بعد میچ سپر اوور میں گیا۔
سپر اوور میں محمد عامر نے 12 رنز دیے، جبکہ کویلری نے لیام لیونگسٹون کے چھکے کی مدد سے ہدف دوسری آخری گیند پر حاصل کر لیا۔
دیگر میچ
دن کے دوسرے میچ میں رائل چیمپس نے نادرن واریئرز کو سات وکٹوں سے شکست دی، ڈینیل سیمز نے تین وکٹیں حاصل کیں۔
ابتدائی میچ میں اسپن اسٹیلینز نے یو اے ای بلز کے 120 رنز کا ہدف چار وکٹوں پر حاصل کر لیا، بین کٹنگ 39* رنز کے ساتھ نمایاں رہے۔
ایونٹ کے پلے آف 29 نومبر کو ہوں
گے۔




















