امیگریشن قوانین امریکیوں کے گلے پڑ گئے ، کئی نو بیاہتا جوڑے مصیبت میں آگئے جن کی زندگی کی امیدیں ادھوری رہ گئیں۔
کئی امریکی شہریوں کی غیر ملکی شریک حیات کو گرین کارڈ انٹرویوز کے دوران گرفتار کر لیا گیا۔
12 نومبر سے سان ڈیاگو کے امیگریشن دفتر میں درجنوں افراد کو گرفتار کیا گیا۔
امیگریشن حکام کی جانب سے گرفتار شدگان پر ویزا قوانین کی خلاف ورزی کے الزامات بھی لگائے گئے۔
گرین کارڈ، یا مستقل رہائش کارڈ، غیر ملکی کو امریکا میں مستقل طور پر رہنے اور کام کرنے کی اجازت دیتا ہے۔
تاہم سان ڈیاگو میں ہونے والے انٹرویوز نے نئے شادی شدہ جوڑوں کی توقعات کے برعکس نتیجہ دیا۔
گرفتار شدگان میں برطانوی اور جرمن شہری، اور حتیٰ کہ 5 ماہ کے بچے کی ماں بھی شامل تھی۔
ہر انٹرویو کے بعد وفاقی اہلکار شریک حیات کو ہاتھکڑیاں لگا کر لے گئے۔
برطانوی شہری کی بیوی کی گرفتاری کے بعدشوہر اسٹیفن پال نے کہا کہ مجھے اپنے روتے ہوئے بچے کو اپنی بیوی کی بانہوں سے لینا پڑا، یہ ہمارا خاندان چھین لینے کے مترادف ہے۔
گرفتار شدگان میں کچھ فوجی تجربہ کار شہریوں کے شریک حیات بھی شامل تھے۔۔ جس سے ان میں دھوکہ اور مایوسی کی کیفیت پیدا ہوئی۔
یہ کارروائی ٹرمپ انتظامیہ کی غیر قانونی امیگریشن کے خلاف سخت پالیسی کا حصہ ہے، جس کے تحت تیسری دنیا کے ممالک سے امیگریشن کو محدود کرنے کا عندیہ دیا گیا ہے۔
