Tue, 21-Oct-2025

تازہ ترین خبریں:

صدر ٹرمپ نے مزید بی 2 اسٹیلتھ بمبار طیاروں کی تیاری کا آرڈر دے دیا

یہ طیارے نظر نہ آنے والے اور ناقابل یقین صلاحیتوں کے حامل ہیں، امریکی صدر

امریکی صدر ڈونلڈ ٹرمپ نے اپنے خطاب میں انکشاف کیا ہے کہ امریکہ نے بی 2  اسٹیلتھ بمبار طیاروں کی تیاری کا نیا آرڈر دے دیا ہے۔

یہ اعلان اس وقت سامنے آیا جب ایران کی جوہری تنصیبات پر کیے گئے امریکی حملوں میں انہی طیاروں نے مرکزی کردار ادا کیا تھا۔

اپنے ورچوئل خطاب میں امریکی فوجی اہلکاروں سے گفتگو کرتے ہوئے ٹرمپ کا کہنا تھا کہ آپ نے ایران میں خوبصورت بی 2 بمبار طیاروں کو دیکھا جنہوں نے ایرانی جوہری صلاحیت اور سپلائی کو مکمل طور پر تباہ کر دیا تھا۔

امریکی صدر نے کہا کہ ہم نے ان طیاروں کے مزید آرڈر دیے ہیں کیونکہ یہ طیارے نظر نہ آنے والے اور ناقابل یقین صلاحیتوں کے حامل ہیں۔

یاد رہے کہ ٹرمپ نے رواں سال جون میں بی 2 بمبار طیاروں کو ایران کی فردو اور نطنز جوہری تنصیبات کو نشانہ بنانے کی منظوری دی تھی۔

امریکی جوائنٹ چیفس آف اسٹاف کے چیئرمین جنرل ڈین کین کے مطابق آپریشن مڈنائٹ ہیمر کے دوران بی 2  اسٹیلتھ بمبارز نے 30 ہزار پاؤنڈ وزنی 14 بم گرائے، جنہوں نے دونوں تنصیبات کی جوہری صلاحیت کو شدید نقصان پہنچایا تھا۔

متعلقہ خبریں