تامل ناڈو میں سائیکلون ڈِٹوا سے بڑی تباہی ، پروازیں منسوخ ،تعلیمی ادارے بند کردیے گئے۔ ساحلی علاقوں میں خطرے کی گھنٹیاں بجائی جارہی ہیں۔

لوگوں کو غیر ضروری سفر سے گریز کرنے کی ہدایت دی گئی ہے۔ڈِٹوا کے شمالی تامل ناڈو اور پڈوچیری کی ساحلی پٹی کی طرف بڑھنے کے ساتھ حکام نے حفاظتی اقدامات بڑھا دیے ہیں۔

طوفان کے پیش نظر 54 پروازیں منسوخ کر دی گئی ہیں ۔ جبکہ کئی اضلاع میں اسکول اور کالجز بند کر دیے گئے ہیں۔

چنئی ایئرپورٹ نے سائیکلون کے اثرات کو مدنظر رکھتے ہوئے 54 شیڈول شدہ پروازیں منسوخ کر دی ہیں ۔ جن میں مادورائی، تیرچراپی، تھوتھوکیڈی، سیلم، بنگلور، حیدرآباد اور جافنا کے لیے پروازیں شامل ہیں۔

ریل خدمات بھی متاثر ہوئی ہیں اور ریمیسوارم جانے والی ٹرینیں منڈاپم پر رک گئی ہیں۔ جہاں بسوں کے ذریعے مسافروں کو منزل تک پہنچایا جا رہا ہے۔

شدید بارش اور وارننگز

ریجنل میٹیرولوجیکل سینٹر نے کئی اضلاع میں انتہائی شدید بارش کی وارننگ جاری کی ہے۔

پرامبالور، تیروارور، ناگاپاٹنم، میلیلادوتھرائی، کڈلور، کالاکوریچی، پڈوکوتائی، پڈوچیری اور کریکل میں اسکول اور کالجز بند ہیں۔

دیگر اضلاع میں اسکول ہی چھٹی کی ہدایت کے تحت بند ہیں۔ ساحلی علاقوں میں تیز ہواؤں اور سمندری طوفان کے پیش نظر ماہی گیروں کو سمندر میں نہ جانے کی ہدایت دی گئی ہے۔

تامل ناڈو کے چیف منسٹر ایم کے اسٹالن نے 14 اضلاع کے ڈسٹرکٹ کلکٹرز کے ساتھ حفاظتی اقدامات پر مشاورت کی ہے۔

 16 اسٹیٹ ڈیزاسٹر ریسپانس فورس اور 12 نیشنل ڈیزاسٹر ریسپانس فورس کی ٹیمیں اہم اضلاع میں تعینات کی گئی ہیں۔