فلپائنی جوڑےکی آتش فشاں کےسامنےشادی
شادی کویادگاربنانےکےلئے آج کل لوگ منفردطریقےاپنارہےہیں۔کچھ لوگ مختلف اورعجیب وغریب مقامات کاانتخاب کرتے ہیں ۔
شادی میں مہنگے ترین ملبوسات، نفیس ترین میک اپ اور بیش قیمت زیورات کےساتھ ساتھ ان لمحات کویادگار بنانےکی غرض سےعروسی فوٹو شوٹ بھی اہم حصہ ہے جس کے لئے لوگ پیسہ اورمنفرداندازاپنا رہے ہیں ۔
ایسے ہی ایک فلپائنی نوبیاہتاجوڑاہےجس نے اپنی شادی کو یادگاربنانےکے لئےسب کو پیچھے چھوڑدیا ۔
امریکی میڈیا کی اطلاعات کے مطابق فلپائن کے چینو اور کیٹ ووفلور نے راکھ اور دھواں اگلتے ہوئے آتش فشاں کے سامنے اس لمحے کو ہمیشہ کے لیے امر کردیا ۔
https://www.facebook.com/randolfevanphotography/posts/2733510740059920
فلپائن کے دارالحکومت منیلا سے 75 کلومیٹر کے فاصلے پر واقع تال نامی آتش فشاں کئی دن سے فعال ہے اور اس سے بھاری مقدار میں دھواں نکل رہا ہے۔
فلپائن کے زلزلے کے ادارے نے کہا ہے کہ راکھ کے بادل 12 سے 15 کلومیٹر تک فضا میں بلند ہورہےہیں اور خبردار کیا ہے کہ یہ پہاڑ کسی بھی وقت پھٹ کر دور دور تک لاوا اگل سکتا ہے۔ ادارے نے لوگوں کو خبردار کیا ہے کہ وہ اس سے دور رہیں اور آس پاس کے قصبوں کو خالی کروا لیا ہے۔
تاہم فلپائنی جوڑے نے کسی خطرے کو خاطر میں نہ لاتے ہوئے شادی کی تصویریں اسی آتش فشاں کے سامنے کھنچوائیں۔
امریکی ٹیلی ویژن کو انٹرویو دیتے ہوئے فوٹوگرافر نے کہا کہ ’ہم فوٹو کھینچتے وقت خاصے فکرمند تھے اور بار بار سوشل میڈیا سے اپ ڈیٹس دیکھ رہے تھے کہ کہیں یہ آتش فشاں پھٹ نہ جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News