آج کل ہر ایک کے پاس اینڈروئیڈ موبائل موجود ہے جس کی وجہ سے ہر گھر میں ہر گھنٹے کوئی نہ کوئی موبائل چارجنگ پر لگا ہوتا ہے۔
عموماً موبائل چارج کرتے ہوئے یا موبائل کے چارج ہوجانے کے بعد ہم سب سے کچھ سنگین غلطیاں ہوجاتی ہیں جن سے بعض اوقات نقصان اٹھانا پڑتا ہے۔
یہ چند عام غلطیاں جو ہم موبائل چارجگ کے وقت کرتے ہیں۔
1۔ 100 فیصد چارجنگ:
فون کی بیٹری ہر وقت 100 فیصد چارج رکھنا موبائل کی زندگی کو مختصر کر نا ہے جبکہ عام اصول یہ ہے کہ بیٹری کو ماہ میں ایک بار مکمل طور پر ری چارج کریں اور دوسرے اوقات میں اس کی چارجنگ 20 فیصد سے 80 فیصد کے درمیان رکھیں۔
2۔ بیٹری مکمل ختم کرنا:
موبائل کی بیٹری کو 0 فیصد تک جانے دینا بھی صحیح نہیں ہے، اگر آپ نے بیٹری کے بالکل ختم ہونا بھی ڈیوائس کی لمبی عمر کو مرحلہ وار ختم کردیتا ہے۔
3۔ موبائل کا رات بھر چارج ہونا:
ساری رات موبائل چارجنگ پر لگے رہنے سے جہاں ایک جانب بجلی خرچ ہوتی ہے وہیں دوسری طرف بیٹری بھی غیر ضروری چارج ہورہی ہوتی ہے۔
اس کے علاوہ ساری رات چارجنگ پر چھوڑنے سے گرمائش بھی پیدا ہوتی ہے۔
4 ۔ دوران چارجنگ موبائل کا استعمال:
موبائل کو چارجنگ کے دوران استعمال نہیں کرنا چاہیے کیونکہ اس سے بیٹری دباؤ کا شکار ہوتی ہے۔
اگر آپ کوئی کال بھی کرتا ہے تو پہلے موبائل کا چارجر سے رابطہ ختم کریں پھر کال اٹھائیں۔
5۔ موبائل چارج کرنے کا اصل وقت:
صحیح معنوں میں بیٹری کو چارج کرنے کا وقت وہ ہوتا ہے جب آپ کی بیٹری 20 فیصد سے بھی کم رہ جائے بالخصوص 15 فیصد بیٹری باقی ہو تو چارجنگ پر لگائیں۔
6۔ موبائل کوور میں موبائل چارج کرنا:
بیٹری چارجنگ کے دوران جو گرمائش خارج کر رہی ہوتی ہے وہ فون کیس کی وجہ سے باہر نہیں نکل پاتی جس سے بیٹری کے اندرونی سسٹم کو نقصان پہنچتا ہے- اس لیے جب بھی فون کو چارجنگ پر لگائیں یاد سے اس کا کیس اتار لیں۔
7 ۔ لوکل چارجرز:
ہمیشہ اپنے موبائل فون کو اس کے اپنے اور معیاری چارجر سے ہی چارج کریں۔
اگر آپ صحیح چارجر استعمال نہیں کرتے ہیں تو ، بیٹری میں منتقل ہونے والی توانائی کی طاقت بہت زیادہ یا بہت کم ہوسکتی ہے۔
8 ۔ ساکٹ :
جب چارجر بجلی کے ساکٹ میں ہو تا ہے تو مسلسل توانائی خرچ کر رہا ہوتا ہے ۔
چارجر سے آہستہ آہستہ گرمائش بھی خارج ہورہی ہوتی ہے جو کسی بھی وقت آگ پکڑنے کا باعث بن سکتی ہے، اس کے علاوہ شارٹ سرکٹ بھی آگ کی وجہ بن سکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News