دنیا بھر میں آج کل ہر دوسرا شخص اپنی ڈائٹ کے حوالے سے بہت ہی حساس ہوا ہے اور زیادہ تر سبزیاں کھنے کو ترجیح دیتا ہے۔
گوشت کھانے یا پھر اسے چھوڑنے کے حوالے سے ایک سروے کیا گیا ہے جس کے نتائج سے دنیا کا گوشت کھانے والوں کی تعداد کا اندازہ لگایا جاسکتا ہے۔
سروے کے مطابق 67 فیصد برطانوی شہریوں نے کہا ہے کہ وہ گوشت چھوڑنے کی بجائے موت کو گلے لگانے کو ترجیح دیں گے۔
ان لوگوں کا کہنا تھا کہ ”گوشت چھوڑنے کی بجائے ہم اپنی زندگی کے پانچ سے دس سالوں کی قربانی دینا پسند کریں گے اور جلدی مر جائیں گے مگر گوشت نہیں چھوڑیں گے۔
اس سروے میں 40 فیصد سے زائد مردوں کا کہنا تھا کہ ان کے نزدیک سبزی خوری خواتین سے منسوب ہے اور انہیں ہی سبزی خور ہونا چاہیے، مردوں کو نہیں۔
سروے میں شامل 30 فیصد مردوں اور 22 فیصد خواتین نے کہا کہ انسان کو بنایا ہی گوشت کھانے کے لیے گیا ہے یہ اس کی جبلت ہے جو تبدیال نہیں ہو سکتی جبکہ 20 فیصد لوگوں کا کہنا تھا کہ اگر گوشت کھانے پر قید کی سزا ہو تو وہ جیل جانا پسند کریں گے مگر گوشت نہیں چھوڑیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News