امردو میٹھا اور مزیدار پھل ہے جو پاکستان میں وافر مقدار میں پایا جاتا ہے۔
یہ پھل آسانی سے ہر شخص کی پہنچ میں بھی ہوتا ہے۔
امرود سے کئی فائدے حاصل ہوتے ہیں جن میں ذیابیطس اور بلڈ پریشر کو قابو میں رکھنا اور معدے کی بیماریاں شامل ہیں۔
صرف پھل ہی نہیں بلکہ امرود کے پتے بھی صحت سے متعلق کچھ فوائد سے بھرپور ہوتے ہیں۔
لیکن کیا آپ جانتے ہیں کہ روزانہ کتنے امرود کھانا آپ کے لئے اور آپ کی صحت کے لئے فائدے مند ثابت ہوسکتا ہے۔
اگر نہیں جانتے تو آج اس آرٹیکل میں ہم آپ کو اس حوالے سے آگاہ کریں گے۔
1۔ کیونکہ یہ پھل زیادہ میٹھا اور رسیلہ نہیں ہوتا ہے اور اگر آپ اپنا وزن کم کرنا چاہتے ہیں تو آپ روزانہ کی بنیاد پر 4 امرود کھائیں، اس سے آپ کے وزن میں واضح کمی آئیگی۔
2۔ اگر آپ شوگر کے مریض ہیں تو آپ دن میں پار سے پانچ امرود کھانے کی عادت اپنالیں ، کیونکہ یہ پھل جسم میں بلڈ شوگر لیول کو کنٹرول کرنے اور اسے متوازن رکھنے میں سارا دن آپ کی مدد کریگا۔
امرود کی افادیت:
امرود نہ صرف مدافعتی نظام کو مضبوط بناتا ہے بلکہ نظام انہضام کو بھی بہتر کرنے میں مدد دیتا ہے۔
امرود میں وزن کم کرنے، جلد کو خوبصورت بنانے سمیت دیگر بیماریوں کا بہترین علاج ہے۔
امرود میں وٹامن سی کی ایک اچھی مقدار ہوتی ہے جو مدافعتی نظام کے صحت مند کام کو یقینی بناتی ہے۔
امرود وزن کم کرنے میں بھی معاون ثابت ہوتا ہے۔
امرود بلڈ پریشر میں اضافے کو قابو میں رکھنے میں مدد فراہم کرتا ہے، روزانہ ایک امرود کا استعمال آپ کو صحت مند زندگی گزارنے میں بھی مدد دیتا ہے۔
امرود میں پوٹاشیم اور فائبر کی موجودگی سے بلڈ پریشر کی سطح کم ہوتی ہے۔
امرود میں اینٹی آکسیڈینٹ ہوتے ہیں جو آپ کی جِلد کو بڑھاپے سے بچاتے ہیں۔
وٹامن سی جِلد کی مجموعی صحت کو برقرار رکھنے اور نِکھارنے میں بھی کردار ادا کرتا ہے۔
امردو جسم میں پانی کی مقدار کو برقرار رکھنے میں معاون ہوتا ہے اور آنتوں کی نالیوں کو بہتر رکھتا ہے۔
امرود سے کھانسی کاعلاج:
امرود کو اچھی طرح دھو کر اس کو باریک کاٹ لیں اور پھر ان چھوٹے امرود کے کٹے ہوئے ٹکڑوں پر آدھا چمچ شہد اور آدھا چمچ دارچینی پاؤڈر چھڑک کر دن میں کسی بھی وقت کھا لیں مگر اس کو کھانے کے آدھے گھنٹے تک پانی نہیں پیئیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News