وہ زمین جس پر انسان اپنا گھر بنانے کی خواہش رکھتے ہیں لیکن یہ زمین اپنے اندر کیا راز سموئے ہوئی ہے اور یہ کتنی گہری ہے اس حقیقت سے ہم نا آشنا ہیں۔
لیکن آج ہم اپنے صارفین کو زمین اور اس میں چھپے راز کے حوالے سے بتائیں گے اور زمین کی موجودہ گہرائی کا بھی معلوم ہوجائے گا۔
زمین کی اب تک کی معلوم گہرائی روس کے جزیرہ نما حصہ (پینسولا) کولا میں موجود ہے جہاں ایک 7.5 میل گہرا گڑھا موجود ہے جسے ‘کولا بورہول ‘ کہا جاتا ہے۔
یہ گڑھا سمندر کی اب تک کی دریافت گہرائی سے بھی زیادہ گہرا ہے، زمین کی گہرائی کو جانچنے کے لیے اس گڑھے کی کھدائی سنہ 1970 میں سوویت یونین کے دور میں شروع کی گئی۔
تاہم سائنس دانوں نے اس گہرائی سے بہت دور 4.3 میل نیچے پانی دریافت کیا۔ اس قدر گہرائی میں پانی کی موجودگی کسی کے وہم و گمان میں بھی نہ تھی۔
کھدائی کے اس عمل کے دوران سب سے حیرت انگیز دریافت زمین کے اندر اتھاہ گہرائی میں خوردبینی رکازیات (فاسلز) کی شکل میں زندگی کی موجودگی تھی۔
یہ فاسلز جن پتھروں میں دریافت کیے گئے ان پتھروں کی عمر 2 ارب سال تھی۔ ان فاسلز میں خورد بینی جانداروں کی 35 انواع دریافت کی گئیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News