ماہرین کی جانب سے ایک تحقیق کے ذریعے چاند کی چاندنی اور انسان کی نیند کے درمیان ایک پراسرار تعلق دریافت کیا گیا ہے اور بتایا گیا ہے کہ چاندنی راتیں نیند پر اثرانداز ہوتی ہیں۔
اس تحقیق کے بعد ماہرین نے نتیجہ اخذ کرتے ہوئے بتایا ہے کہ چاند کی ابتدائی تاریخوں میں انسان کی نیند پر بہت سے اثرات مرتب ہوتے ہیں جو کہ زیادہ تر مردوں میں پائے گئے ہیں جبکہ خواتین پر اس کا اثر بہت کم ہوتا ہے۔
ماہرین نے بتایا ہے کہ چاند کی ابتدائی تاریخوں میں مردوں کی نیند متاثر ہوتی ہے جبکہ عورتوں پر اس کا کوئی اثر نہیں ہوتا ہے تاہم چاند کی ڈھلتی ہوئی تاریخوں میں کسی کی بھی نیند پر کوئی اثرات نہیں پڑتے ہیں۔
اس تحقیق کے نتائج کے حوالے سے تحقیق ٹیم کے سربراہ نے کہا ہے کہ چاندنی راتیں نیند پر اثرانداز ہوتی ہیں ۔
اس کی وجہ اب تک سامنے نہیں آسکی لیکن خیال ہے کہ بڑھتے ہوئے چاند کی منعکس شدہ روشنی مردوں کی مختلف دماغی کیفیت کی بنا پر ان کی نیند متاثر کرتی ہے۔
چڑھتے چاند کا عمل ’’ویکسنگ‘‘ کہلاتا ہے جس میں اس سے منعکس ہونے والی روشنی بتدریج بڑھتی جاتی ہے، اس دوران رات دیر تک چاند کی روشنی دکھائی دیتی ہے۔
خیال رہے کہ یہ تحقیق سویڈن کی اپسالا یونیورسٹی کے سائنسدانوں کی ٹیم نے کی جس کی سربراہی کرسچیان بینیڈکٹ کی تھی۔
اس تحقیق میں 492 خواتین اور 360 مردوں کا باقاعدہ سروے کیا گیا تھا اور چڑھتے چاند کی راتوں میں تمام خواتین اور مردوں کی نیند ریکارڈ کی گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News