کراچی کی ساحلی پٹی کو آج کل شاہین نامی سمندری طوفان کا خطرہ ہے جبکہ اس سے پہلے ’گلاب‘ نام کا طوفان کراچی کی ساحلی پٹی سے ٹکرا چکا ہے۔

اس قبل آنے والوں طوفانوں کے نام بھی کچھ ایسے تھے جن میں ہد ہد، بلبل وغیرہ شامل ہے۔

 یہ انسان کی فطرت ہے کہ وہ چیزوں کو نمبروں یا دیگر سائنسی اصلاحات کے مقابلے میں ان کے ناموں سے زیادہ بہتر انداز میں شناخت اور یاد کر سکتا ہے اسی کو دیکھتے ہوئے سمندری طوفانوں کے یہ عجیب اور منفرد نام رکھنے کی روایت کافی پرانی ہے ۔

اس کا واحد مقصد یہ ہے کہ طوفان آنے کی صورت میں خطرات اور دیگر خبروں سے آگاہ رہنے میں آسانی رہے۔

ماہرینِ موسمیات طوفانوں کو اپنی مرضی سے نام دیا کرتے تھے، یا پھر طوفان کا نام اس جگہ کی مناسبت سے رکھ دیا جاتا تھا، جہاں اُس کے باعث سب سے زیادہ تباہی ہوئی ہو، مثلاً گیلوسٹن میں آنے والے طوفان کو ‘گیلوسٹن طوفان 1900‘ کا نام دیا گیا۔

تاہم انیسویں صدی کے درمیان میں ان طوفانوں کو مؤنث نام دینے کا رواج پڑا، مثلاً: باربرا، فلورنس، ہیزل، ڈولی وغیرہ ۔

اس کے بعد موسمیات کے ماہرین نے یہ فیصلہ کیا کہ ان طوفانوں کے نام حروفِ تہجی کے اعتبار سے رکھے جانے چاہئیں۔

لیکن انیسویں صدی کے آخر میں سمندری طوفانوں کو مذکر نام دیے جانے لگے۔

تاہم 1953ء کے بعد سے ان سمندری طوفانوں کو انٹرنیشنل کمیٹی آف ورلڈ میٹرولوجیکل آرگنائزیشن کی تجویز کردہ فہرست میں دیے گئے ناموں سے پکارا جانے لگا۔

پوری دنیا میں علاقائی سطح پر سمندری طوفانوں کے حوالے سے کام کرنے والی پانچ تنظیمیں ہیں۔

ہر خطے میں آنے والے طوفانوں کو نام دینے کا فیصلہ علاقائی سطح پر ہوتا ہے اور علاقائی تنظیم کی مشاورت سے طوفانوں کے نام پر مبنی فہرست تیار کی جاتی ہے۔

پاکستان بحرِ ہند کے جنوبی خطے میں واقع ہے، اس خطے میں پاکستان کے علاوہ، انڈیا، بنگلہ دیش، سری لنکا، مالدیپ، تھائی لینڈ، میانمار اور عمان شامل ہیں، جو باری باری بحیرہ عرب میں آنے والے طوفانوں کے نام تجویز کرتے ہیں۔