اٹلی میں ملنے والے اب تک کے سب سے بڑے اور مکمل ڈائنو سار کی باقیات ان 11 مخلوقات میں سے ہے جو ڈائناسور کے ماہرین نے دریافت کیں ہیں۔
زمین میں دفن یہ ڈھانچہ ٹیتھیشیڈروز اِنسولیریز نسل کا ہے جو اٹلی کے شہر ٹرائسٹی کے قریب ویلاگیو ڈیل پیسکٹور نامی مقام سے دریافت کیا گیا تھا۔
محققین کے مطابق یہ ڈائنو سار ٹیتھیز سمندر کے یورپی جزائر میں سے کسی ایک جزیرے پر آٹھ کروڑ سال پہلے زندہ تھا۔
پہلے یہ خیال کیا جاتا تھا کہ اس جگہ سے ملنے والا پہلا ٹیتھیشیڈروز اِنسولیریز کا ڈھانچہ ایک بونی نسل کا ہے۔ لیکن بولونیا یونیورسٹی کی تازہ ترین تحقیق اس بات سے اختلاف کرتی ہے۔
ماہرین کی ٹیم کے مطابق ’اینٹونیو‘ (پہلے ملنے والے ڈھانچے کو دیا گیا نام) دراصل ایک جوان ڈائنو سار تھا۔ ایک اور ایک ملنے والا ڈھانچہ ’برونو‘ سائز میں بڑا تھا اور شاید مرتے وقت تک وہ بڑھ رہا تھا۔
ماہرِ ارضیات کے مطابق ویلاگیو ڈیل پیسکٹور جِسے ڈائنو سار کی باقیات کی جگہ کا نام دیا گیا، ٹیتھیز کہلائے جانے والے ’پورٹو-میڈیٹیرین‘ سمندر کے وسط میں جزیرے کا حصہ تھا۔
تحقیق میں یہ بات معلوم ہوئی کہ ویلاگیو ڈیل پیسکٹور میں کم از کم ساتھ اور ممکنہ طور پر 11 ڈائنو سار کے ڈھانچوں کے ساتھ مچھلی، مگرمچھوں اور اڑنے والے ریپٹائلز کی باقیات تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News