ایک نئی تحقیق میں معلوم ہوا ہے کہ نوجوان نر ہاتھیوں کے گرد جب بزرگ ہاتھی موجود ہوتے ہیں تو وہ کم جارح مزاج ہوتے ہیں۔

محققین نے بوٹسوانا کے ایک نیشنل پارک میں تین سالوں تک افریقا کے 281 نر ہاتھیوں کے رویے کے متعلق مطالعہ کیا۔

تحقیق میں معلوم ہوا کہ علاقے میں موجود نوجوان نر ہاتھی بزرگ نر ہاتھیوں کی موجودگی میں انسانوں اور دیگر چیزوں کے جانب کم جارح تھے۔

اس سے معلوم ہوتا ہے کہ بزرگ ’بُل‘ ہاتھیوں کی اہمیت ہے جن کو شکاری ان کے دانتوں کی وجہ سے نشانہ بناتے ہیں۔

تحقیق میں دیکھا گیا کہ جب ریوڑ سے بزرگ ہاتھیوں کو ہٹایا گیا تو نوجوان ہاتھی زیادہ جارح مزاج ہوگئے جس کی وجہ سے ان کے انسانوں کے درمیان زیادہ تصادم ہوئے۔

بد قسمتی سے یہ افریقی ہاتھی فی الحال شکار ہونے کی وجہ سے نا پید ہونے کے قریب ہے حالاں کہ یہ IUCN کی ریڈ لسٹ پر موجود ہیں۔

WWF کے مطابق جنوبی اور مشرقی افریقا میں ہاتھیوں کی آبادی ان کے دانتوں کی غیر قانونی تجارت کی وجہ سے خطرے سے دوچار ہے۔

یہ نئی تحقیق یونیورسٹی آف ایکسیٹر کے محققین نے افریقا کے ہاتھیوں کی تحفظ کے گروپ کے اشتراک سے کی۔

یونیورسٹی آف ایکسیٹر میں پروفیسر اور تحقیق کے مصنف ڈیرن کرافٹ کا کہنا تھا کہ بزرگ نر ہاتھی عموماً بے کار سمجھے جاتے ہیں اور شکاری مقابلوں میں ان کا شکار کرتے ہیں۔

انہوں نے مزید کہا کہ تحقیق سے سامنے آنے والے نتائج سے واضح ہوتا ہے کہ بزرگ ہاتھیوں کی موجودگی نوجوان ہاتھیوں کے برتاؤ ڈھالنے میں کتنے اہم ہیں۔

ان نتائج سے جنگلی حیات کی دیکھ بھال کرنے والوں کو یہ اہم پیغام جاتا ہے کہ بزرگ نر ہاتھیوں کا صفایہ ہاتھیوں اور انسانوں کے درمیان تصادم میں اضافے کا سبب بن سکتا ہے۔

بزرگ ہاتھی دیگر نر ہاتھیوں کے ’غیر ہاتھی‘ اہداف کی جانب جارحانہ روہے کی نگرانی کرتے ہیں۔