بھارت میں 1 روپے کے پرانے نوٹ کو 15 لاکھ پاکستانی روپے میں نیلامی کے لیے پیش کیا گیا ہے۔

بھارت میں ایک روپے کا پرانا نوٹ آپ کو 7 لاکھ روپے دلواسکتا ہے کیونکہ حال ہی میں بھارت میں 1935 کے ایک روپے کے نوٹ کو آن لائن نیلامی کے لیے پیش کیا گیا ہے۔

اس نیلامی میں نوٹ کے مالک کی جانب سے 7 لاکھ روپے ڈٰیمانڈ رکھی گئی ہے جو کہ پاکستانی روپے میں تقریباً 15 لاکھ روپے بنتی ہے۔

اگر آپ کے پاس بھی کوئی ایسا نوٹ یا سکہ موجود ہے تو آپ بھی اسے آن لائن نیلامی میں پیش کرکے لاکھوں روپے کماسکتے ہیں کیونکہ اینٹک چیزیں رکھنے والے شوقین افراد کو اکثر ایسی ہی چیزوں کی تلاش رہتی ہے۔

اکثر ای کامرس کی ویب سائٹس نادر نوٹوں اور سکوں کو آن لائن نیلامی کا آپشن دیتی ہیں جس کے باعث خریدار اور بیچنے والے دونوں ہی کے مقاصد پورے ہوتے ہیں لیکن یاد رکھیں ان ویب سائٹس میں کبھی آپ دھوکا بھی کھاسکتے ہیں۔

اس لیے دھوکے سے بچنے کے لیے پہلے آپ چیز کی اچھی طرح سے جانچ کرلیں، اس کے بعد ہی اسے خریدیں لیکن ضروری نہیں کہ ہمیشہ آپ کو دھوکا ہی ملے۔

یہاں ہم جس نوٹ کی بات کررہے ہیں وہ دہائیوں سال پرانا اور برٹس انڈیا میں شائع ہونے والا نوٹ ہے جبکہ اس نوٹ کی خاص بات یہ ہے کہ یہ آزادی سے قبل کا نوٹ ہے۔

اس نوٹ پر 1935 میں اس وقت کے گورنر جے ڈبلیو کیلی کے بھی دستخط موجود ہیں جبکہ اس نوٹ پر برطانوی راج کے بادشاہ جارج کنگ پنجم کی بھی تصویر موجود ہے۔

علاوہ ازیں اس نوٹ کے علاوہ بھی اور بھی کئی طرح کے نوٹ نیلامی میں پیش کیے گئے ہیں جس میں 1957 اور 1966 کے نوٹ بھی موجود ہیں جن کی  قیمت بھی ان کی ویلیوز سے کہی زیادہ رکھی گئی ہے۔