دماغ کی سرجری کے بعد اپنی بیٹی کی طرح نظر آنے کے لیے باپ نے سر منڈوادیا، وائرل تصویر نے لوگوں کی آنکھوں میں آنسو چھوڑ دیے۔

باپ اور بیٹی کے درمیان پاکیزہ محبت کو ظاہر کرنے والی ایک تصویر وائرل ہوگئی جس میں باپ نے اپنا سر اسی طرح منڈوایا جس طرح اس کی بیٹی کے دماغ کا آپریشن ہوا تھا۔

تصویر میں باپ اور بیٹی دونوں کے سروں کا ایک حصہ منڈا ہوا ہے اور باپ نے یہ بھی یقینی بنایا کہ اس کے منڈوائے ہوئے سر کے حصے پر ٹانکوں کے نشان ہیں جو اس کی بیٹی سے بالکل مماثل ہیں۔

https://twitter.com/momentoviral/status/1485986772576346124?s=20&t=BuJUOQDyAiiXhl9nO0J7LA

یہ تصویر ٹویٹر پر وائرل ہوئی اور اسے ہزاروں لائکس اور ری ٹویٹس ملے ہیں، لوگ جذباتی ہو کر رہ گئے ہیں اور سب باپ کی بیٹی کے لئے محبت کی تعریف کر رہے ہیں۔

جس ٹویٹر صارف نے یہ تصویر پوسٹ کی اس نے کیپشن میں لکھا کہ چھوٹی بچی کی دماغی سرجری ہوئی تھی اور اس کے والد نے اپنا سر بھی اسی طرح کروا لیا جس نے مجھے رلا دیا۔

یاد رہے پچھلے سال بھی ایک ویڈیو وائرل ہوئی تھی جس میں ایک حجام اپنے ہی بال منڈواتے ہوئے دکھایا گیا تھا تاکہ کینسر میں مبتلا ایک شخص کی مدد کی جا سکے۔