ایک شخص نے ہاتھوں سے بڑے کنگ کوبرا کو پکڑلیا جس کی دل دہلادینے والی وڈیو وائرل ہوگئی۔

جنوبی تھائی لینڈ میں صوبے کربی کے مقامی لوگوں نے حکام کو اس وقت مطلع کیا جب سانپ کھجور کے باغ میں ٹینک میں چھپنے کی کوشش کر رہا تھا۔

دیوہیکل کوبرا کا مبینہ طور پر 4.5 میٹر (تقریباً 14 فٹ) اور وزن 10 کلو گرام سے زیادہ تھا، سانپ کو پکڑنے میں رضاکار سوتی نواہاد کو تقریباً 20 منٹ لگے، 40 سالہ نواہاد نے پہلے سانپ کو ایک کھلی سڑک پر لے آیا اور پھر اسے پکڑنے کی کوشش شروع کی۔

ایک ویڈیو میں کنگ کوبرا کو پکڑے جانے کی تمام کوششوں کی مزاحمت کرتے ہوئے دکھایا گیا ہے، ایک موقع پر سانپ اپنا جبڑا کھول کر آگے بڑھ گیا لیکن نواہاد اپنے راستے سے ہٹنے میں کامیاب ہوگئے۔

https://www.facebook.com/100001407132284/videos/268556498725090/

مقامی اطلاعات کے مطابق سانپ پکڑنے والے نے بتایا کہ کنگ کوبرا کو پکڑے جانے کے بعد اس کے قدرتی مسکن میں بحفاظت چھوڑ دیا گیا۔

انہوں نے کہا کہ سانپ شاید اپنے ساتھی کی تلاش میں تھا کیونکہ حال ہی میں ایک اور کوبرا کو مقامی لوگوں نے مار ڈالا تھا۔

نواہاد نے دوسروں کو بھی سانپوں کو پکڑنے کی کوشش کرنے سے خبردار کرتے ہوئے کہا کہ انہیں اس کی مہارت برسوں کی تربیت کے بعد آئی ہے۔