جنوبی امریکی ملک پیرو سے 1200 سال قبل چھ بچوں کی ممیاں دریافت ہوئی ہیں۔

ماہرینِ آثارِ قدیمہ کا ماننا ہے کہ قبر سے ملنے والے ممیاں، 1200 سال قبل ایک اعلیٰ شخصیت کی بعد کی زندگی کے لیے قربان کیے گئے چھ بچوں کی ہیں۔

کپڑے میں کس کے لِپٹے ہوئے چھٹے سے ڈھانچے، پیرو کے داراحکومت لِیما کے مشرق میں کھدائی کی جگہ کیجامارکوئیلا کے مقام پر گزشتہ نومبر میں دریافت ہوئے۔

یہ باقیات ایک اہم آدمی، ممکنہ طور پر ایک سیاسی رہنماء، کی قبر سے دریافت ہوئیں جس کی عمر کے متعلق خیال کیا جارہا ہے کہ موت کے وقت 35 سے 40 سال کے درمیان ہوگی۔

مقبرے سے سات بڑے افراد کی ہڈیاں بھی ملی ہیں جن کو ممی نہیں بنایا گیا تھا۔

اشرافیہ سے تعلق رکھنے والا یہ شخص قبر میں موڑی ہوئی حالت میں، چہرے پر ہاتھ رکھے ہوئے اور رسیوں سے بندھا ہوا دفن تھا۔

ماہرینِ آثارِ قدیمہ کا کہنا تھا کہ یہ بچے اس اہم شخصیت کے بچے ہو سکتے ہیں، جن کے متعلق خیال کیا جا رہا ہے کہ ممکنہ طور پر واری تہذیب نے قربان کیا ہو۔

اس خطے کے قدیم مذاہب، جن کی پیروی آزٹیک، مایان اور اِنکن سلطنتیں کیا کرتی تھیں، کا ماننا تھا کہ مرنے والوں کا ’مردوں کی دنیا‘ کا ساتھ دینے کے لیے بچوں اور بڑوں کو قربان کیا جاسکتا ہے۔

ان کے نذدیک یہ ناراض خداؤں کو راضی کرنے کا بھی ایک طریقہ تھا۔