کوک اسٹوڈیو سیزن 14 میں علی سیٹھی اور شے گل کی جانب سے پیش کیا جانے والا گانا پسوڑی پاکستان سمیت دنیا بھر میں وائرل ہو گیا۔

علی سیٹھی اور شے گِل کا مشہور گانا پسوڑی کسی تعریف کا محتاج نہیں ہے اور یہ ہی وجہ ہے کہ اسے سرحد پار بھی بہت پسند کیا جا رہا ہے۔

 سوشل  میڈیا پر ایک  بھارتی نوجوان کی ویڈیو وائرل ہو رہی ہے جسے اپنے کالج کے فنشن میں پاکستانی گانا پسٹوری کی دہن بجاتے ہوئے دیکھا جا سکتا ہے۔

ویڈیو میں سنا جا سکتا ہے کہ اس نوجوان نے اس خوبصورتی سے پسٹوری گانے کی دہن کو بجایا کے دیکھتے ہی دیکھتے یہ ویڈیو سوشل میڈیا پر مقبول ہو گئی۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Sumatindra Korti (@sumatindra_veena)

سوشل میڈیا پر وائرل ہونے والی اس بھارتی نوجون کی ویڈیو کو انسٹاگرام پر 19.6 ملین ویوز جبکہ 2.5 ملین لائکس مل چکے ہیں۔

یاد رہے کہ  پسوڑی نے ایک اور اعزاز اپنے نام کرتے ہوئے اسٹریمنگ ویب سائٹ ’اسپاٹی فائے‘ کے گلوبل وائرل 50 گانوں میں تیسری پوزیشن حاصل کر لی۔

اسپاٹی فائے کے عالمی مشہور گانوں کی فہرست میں تیسرے نمبر پر آنے کے بعد علی سیٹھی سمیت کوک اسٹوڈیو کے پروڈیوسر عبداللہ صدیقی اور ذالفقار جبار علی خان المعروف زلفی نے بھی سوشل میڈیا پر پسوڑی کی کامیابی کی پوسٹ شئیر کی جبکہ دیگر میوزک سے وابستہ شخصیات نے بھی اس پر خوشی کا اظہار کیا۔

علی سیٹھی نے گلوبل وائرل 50 گانوں کی فہرست کا اسکرین شاٹ شیئر کرتے ہوئے ’پسوڑی‘ کے تیسرے نمبر پر آنے پر خوشی کا اظہار کیا اور ساتھ ہی بتایا کہ انہیں گزشتہ برس زلفی نے بتایا تھا کہ مذکورہ گانا عالمی سطح پر جگہ بنانے میں کامیاب جائے گا۔

علی سیٹھی نے لکھا کہ انہیں زلفی کی بات پر ہنسی آئی تھی اور انہوں نے کچھ کہے بغیر کافی پی کر گانے بنانے پر غور شروع کیا تھا۔

علی سیٹھی نے مزید لکھا کہ اب ان کا ’پسوڑی‘ گلوبل وائرل 50 فہرست میں تیسرے نمبر پر آیا ہے تو انہیں نہ صرف خوشی ہو رہی ہے بلکہ وہ حیران بھی ہو رہی ہیں۔

علی سیٹھی نے اپنے پوسٹ میں شے گِل سمیت زلفی اور عبداللہ صدیقی کو بھی مینشن کرتے ہوئے انہیں مبارک باد پیش کی اور ساتھ ہی تمام شائقین کا خصوصی شکریہ ادا کیا کہ انہوں نے ان کے گانے کو تیسرے نمبر پر پہنچایا۔

واضح رہے کہ پسوڑی کے تیسرے نمبر پر آنے پر علی سیٹھی کے والد نجم سیٹھی نے بھی ٹوئٹ پر بیٹے کو گانے کی عالمی سطح پر کامیابی کی مبارکباد پیش کی۔

یاد رہے کہ پسوڑی کوک اسٹوڈیو کے تمام سیزنز کا ایسا پہلا گانا ہے جس نے 24 گھنٹوں میں ہی 10 لاکھ مرتبہ دیکھا اور سُنا جانے کا اعزاز حاصل کر لیا تھا، پسوڑی گانا گزشتہ ماہ 7 فروری کو ریلیز کیا گیا تھا۔