صحرا میں دنیا کی تیز رفتار رولر کوسٹر کا آغاز

ویب ڈیسک

29th Oct, 2022. 10:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صحرا میں دنیا کی تیز رفتار رولر کوسٹر کا آغاز

حال ہی میں دبئی میں ایک نئی رولر کوسٹر کا افتتاح ہوا ہے جسے دنیا کی سب سے تیز عمودی رولر کوسٹر قرار دیا گیا ہے۔ اس کی تصدیق خود گنیزبک آف ورلڈ ریکارڈ نے بھی کی ہے۔

اسٹارم کوسٹر ایک شاپنگ مال کی چار دیواری میں قائم کیا گیا ہے جو اپنی نوعیت کے واحد اِن ڈور رولرکوسٹر ہے جو انتہائی تیزی سے سفر کرتی ہے۔

اس کی خاص بات یہ ہے کہ کوسٹر اوپر جاتے ہوئے بہت تیز ہوجاتی ہے اور یہی اسے دیگر رولرکوسٹر سےممتاز کرتی ہے۔

اس میں تین ٹرینیں ہیں اور ہر ڈبے میں 12 افراد بیٹھ سکتےہیں۔ رولرکوسٹر میں خاص مقناطیسی موٹریں نصب ہیں جو شائقین کو 50 میٹربلندی تک لے جاتی ہیں۔ لیکن عموداً اوپر جاتے ہوئے ان کی رفتار تیزترین ہوجاتی ہے۔

دوسری جانب اسے کچھ اسطرح ڈیزائن کیا گیا ہےکہ یہ عمارت کا اندرونی حصہ معلوم ہوتی ہے اور اسی بنا پر یہ ایک شاہکار بھی ہے۔

اسٹارم کوسٹر پر بیٹھے افراد کو چاروں طرف شدید موسمیاتی کیفیات کا سامنا ہوتا ہے جو مصنوعی انداز میں پیش کی گئی ہے۔ فلموں کی طرح اسپیشل افیکٹس میں آپ طوفان، سیلاب اور تیز ہواؤں کو محسوس کرسکتےہیں۔