نئی نویلی دلہن کا پہلی بار کھانا بنانا سسرالیوں کو مہنگا پڑگیا

ویب ڈیسک

16th Sep, 2024. 03:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نئی نویلی دلہن کا پہلی بار کھانا بنانا سسرالیوں کو مہنگا پڑگیا

بھارت میں نئی نویلی دلہن نے سسرالیوں کو کھانے میں نشہ آور چیز ملاکر کھلادی جس کے بعد وہ باآسانی فرار ہوگئی۔

بھارتی میڈیا کے مطابق راجھستان کے ضلع بوندی میں نئی نویلی دلہن نے سسرال میں پہلی بار کھانا بنایا جو سسرالیوں کے لیے مہنگا ثابت ہوا۔

پولیس کے مطابق 24 سالہ منجوبائی نے دھر گھڑی گاؤں میں سسرالیوں کے لیے پہلی بار کھانا بنایا جس میں اس نے نشہ آور چیز ملادی تھی۔

پولیس کا کہنا ہے کہ کھانا کھاکر تمام ہی گھر والے بے ہوش ہوگئے جس کے بعد منجوبائی وہاں سے باآسانی فرار ہونے میں کامیاب ہوگئی۔

پولیس نے بتایا کہ جب رشتہ دار گھر میں داخل ہوئے تو تمام ہی لوگ بے ہوشی کی حالت میں ملے جب کہ ان میں 6 سالہ بچہ بھی شامل تھا۔

بعد ازاں رشتہ داروں نے انہیں اسپتال منتقل کیا، جہاں ان کا علاج جاری ہے تاہم تمام کی حالت خطرے سے باہر بتائی جارہی ہے۔

پولیس نے یہ بھی بتایا کہ 23 اگست کو منجوبائی کی شادی درگا شنکر سے ناتا پرتھا کے تحت ہوئی تھی۔

واضح رہے کہ بھارت میں ناتا پرتھا ایک ایسی روایت ہے جس کے تحت لڑکیوں کو اسٹامپ پیپر یا دوسرے طریقے سے شادی کے نام پر بیچ دیا جاتا ہے جب کہ اس کی کوئی قانونی حیثیت نہیں۔