دنیا میں ایسی افراد کی کمی نہیں ہے جنہیں قدرت کچھ منفرد خصوصیات سے نوازتی ہے انہی میں کیلیفورنیا سے تعلق رکھنے والی 34 سالہ چینیل ٹیپر بھی شامل ہے۔

چینیل ٹیپر نے 2010 میں دنیا کی سب سے طویل زبان رکھنے والی خاتون کا عالمی اعزازحاصل کر کے گینزوبک آف ورلڈ ریکارڈ میں اپنا نام درج کروایا تھا ان کی زبان کی لمبائی 3.8 انچ  ہے، اور یہ اپنی دراز زبان اور اس کے مضبوط پٹھوں کو استعمال کرتے ہوئے مختلف کام انجام دیتی ہے، جیسے پلاسٹک کا کپ پلٹنا اورچمچ پکڑنا۔

اس بار انہوں نے لمبی زبان کا استعمال کرتے ہوئے جینگا بلاکس کونکالنے کا کام انجام دیا۔

واضح رہے جینگا بلاکس ایک گیم ہے جس میں لکڑی کے چھوٹے چھوٹے بلاکس کو ایک خاص ترتیب سے رکھ ایک ٹاور تیار کیا جاتا ہے پھر اسی ٹاور سے بلاکس نکال کر اس اوپر رکھ اس ٹاور کی اونچائی کو مزید بڑھایا جاتا ہے یہ کام ہاتھ سے کافی حتیاط سے کیاجاتا ہے کیونکہ ذراسی غلطی سے ٹاور گرسکتا ہے تاہم ٹیپر یہ کام زبان سے کر کے سب ک حیرت زدہ کردیا۔

چینیل ٹیپر نے گنیز ورلڈ ریکارڈز کو بتایا کہ جب بھی لوگ ان کی زبان کو دیکھتے حیرت سے چیخنے لگ جاتے ہیں، یہی ان کو پسند ہے، انہوں مزید یہ بھی کہا کہ ریکارڈ ہولڈر ہونے ناطے انہیں کئی ریکارڈ ہولڈرز سے ملنے کا موقع ملتا ہے۔