صوابی کے باچا خان میڈیکل کمپلیکس میں ایک خاتون کے ہاں بیک وقت 4 بچوں (کواڈروپلٹس) کی پیدائش ہوئی ہے۔

ترجمان باچا خان میڈیکل کمپلیکس رحم خان کے مطابق 4 بچوں میں 2 بیٹے اور 2 بیٹیاں شامل ہیں۔ انہوں نے بتایا کہ ماں اور بچے دونوں صحت مند ہیں۔

بچوں کے والدین کا تعلق گاؤں سلیم خان سے ہے۔ اسپتال انتظامیہ کا کہناہے کہ  بچوں کی پیدائش بغیر آپریشن (نارمل ڈیلیوری) کے ہوئی ہے اور چاروں بچے صحت مند اور تندرست ہیں۔

بچوں کے والد مقصودعلی کا کہنا ہے کہ ایک ساتھ 4 بچوں کی پیدائش پر بے حد خوش ہوں ۔ انہوں نے مزید کہا کہ وہ اسپتال کے انتظامیہ اور ڈاکٹرز کا خصوصی طور پر شکر گزار ہیں۔

حیرت انگیز طور پر پیدائش تک والدین2 جڑواں بچوں کی دنیا میں آمد کے منتظر تھے ۔ تاہم مادر رحم میں 4 بچے موجود ہیں یہ خوشی اچانک ملنے والدین ہی نہیں اسپتال عملے کی خوشی بھی دیدنی تھی۔