دنیا کی تاریخ میں اجتماعی سزائے موت کا واقعہ کس ملک میں کب پیش آیا ؟ ۔ آئیے تاریخ کے ایک حیرت انگیز واقعے سے پردہ اٹھاتے ہیں ۔

جی ہاں امریکا کی تاریخ میں ایک ایسا دن آیا ہے جو سب سے زیادہ سزائے موت دیے جانے کے دن کے طور پر جانا جاتاہے۔

اس دن کو دنیا کی تاریخ میں اجتماعی سزائے موت کا دن قرار دیا جاتاہے۔ ایک دن میں سب سے زیادہ سزائے موت دیے جانے کا واقعہ 26 دسمبر 1862 کو پیش آیا۔

اس دن 38 قیدیوں کو اجتماعی طور پر پھانسی  دی گئی ۔  اس سلسلے میں پھانسی گھاٹ ریاست مینیسوٹا  کے شہر مینکیٹو میں لگائی گئی تھی۔

سزائے موت کا پس منظر

ڈکوٹا جنگ کی بات ہے جو 1862 کو پیش آئی۔  مقامی افراد نے ریاست کی جانب سے امتیازی سلوک اور متعصبانہ رویے کی وجہ سے حکومت کیخلاف ہتھیار اٹھائے۔

بعدازاں ریاستی حکم پر ڈکوٹا کے 38 مقامی افراد کو پھانسی دے دی گئی۔ یہ واقعہ آج بھی امریکا ہی نہیں دنیا کی سب سے بڑی اجتماعی سزائے موت سمجھا جاتا ہے۔

ویسے تو ڈکوٹا جنگ میں ملوث تقریباً 303 افراد کو سزائے موت سنائی گئی تھی۔ تاہم صدر ابراہم لنکن نے کیسز کا دوبارہ جائزہ لیا اور صرف 38 افراد کی سزا برقرار رکھی۔