بینک اکاؤنٹ ہولڈرز سے متعلقہ تمام معلومات کا تبادلہ کریں ، چئیرمین ایف بی آر
فیڈرل بورڈ آف ریونیو کے چئیرمین ایف بی آر شبر زیدی نے بینکوں سے کھاتے داروں کا ریکارڈ طلب کرتے ہوئے کہا کہ بینک اکاؤنٹ ہولڈرز سے متعلقہ تمام معلومات کا تبادلہ کریں۔
تفصیلات کے مطابق چئیرمین ایف بی آر سید محمد شبر زیدی نے تمام بینکوں کو مراسلہ ارسال کیا جس میں کہا گیا ہے کہ بینکوں کی طرف سے مختلف اکاؤنٹ ہولڈرز کی طرف سے خریدے گئے بانڈز کی تفصیلات ابھی تک ایف بی آر کو فراہم نہیں کی گئیں ۔
چئیرمین ایف بی آر نے مراسلے میں تمام بینکوں کے سربراہان کو یاد دہانی کرائی ہے کہ بانڈہولڈرز کی تفصیلات فنانشل ایکشن ٹاسک فورس کی شرائط کے تحت بھی مطلوب ہیں، بانڈ ہولڈرز کی معلومات انکم ٹیکس گوشواروں میں بھی ظاہر نہیں ہو رہی ۔
شبرزیدی نے کہا کہ بانڈز ہولڈرز کی معلومات نہ ہونے پر ود ہولڈنگ ٹیکس کا مکمل حصول نہیں ہوتا ہے، کمپنیوں کی فنانشل اسٹیٹمنٹ میں بانڈ کی رقوم بطور آف بیلنس شیٹ کی طرح دکھائی جاتی ہیں۔
چیئرمین ایف بی آر کے مطابق لین دین نظام ریگولیٹ کرنے کے لیے تمام دولت کا معلوم ہونا ضروری ہے، انھوں نےاس سلسلے میں بینکوں سے درخواست کی کہ وہ ضروری معلومات فوراَ فراہم کریں۔
واضح رہے کہ اس سے قبل فیڈرل بورڈ آف ریونیو نے شناختی کارڈ کی شرط میں نرمی کا فیصلہ کرتے ہوئے چیئرمین ایف بی آرشبر زیدی نے کہا تھا کہ شناختی کارڈ کی شرط کی وجہ سے کاروبار متاثر ہو رہے ہیں اور اگرکاروبارمتاثرہوں گے توٹیکس دینے کی سکت نہیں رہے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News