انجمن تاجران گلگت نے بھارتی مظالم کے خلاف 27 اور 28 اکتوبر کو ہڑتال کا اعلان کردیا ہے۔

تٖصیلات کے مطابق جنرل سیکریٹری انجمن تاجران گلگت نے اپنے ایک بیان میں کہا کہ مقبوضہ کشمیر کے مظلوم عوام کے ساتھ اظہار یکجہتی کیلئے ہڑتال کا اعلان کیا گیا ہے۔

انجمن تاجران گلگت کا کہنا تھا ک بھارتی افواج آئے روز مظلوم کشمیری عوام پر مظالم ڈھا رہے ہیں اسلئے گلگت بلتستان کے تاجران نے  27 اور 28 اکتوبر کو تمام تجارتی مراکز بند کرنے کا فیصلہ کرلیا ہے۔

جنرل سیکریٹری انجمن تاجران گلگت کا مزید کہنا تھا کہ مقبوضہ کشمیر کے مسلمانوں کو آزادی دلانے میں اقوام متحدہ اپنا کردار ادا کرے۔

واضح رہےکہ اس سے قبل کراچی ٹریدرز الائنس نے ایف بی آرکےخلاف ایم اےجناح روڈپر بھوک ہڑتالی کیمپ لگا کر ایف بی آر کی پالیسیوں کےخلاف ایم اے جناح روڈ پر بیٹھ گئے تھے۔

 تاجروں کا کہنا تھا کہ چیئرمین ایف بی آرشبرزیدی کی برطرفی تک احتجاجی کیمپ ختم نہیں کریں گے جبکہ ایف بی آرکی پالیسیوں کیخلاف آل پاکستان انجمن تاجران لاہورنےبھی دو روزہ ہڑتال کا اعلان کردیا تھا۔

 تاجروں کا کہنا ہےکہ ٹیکس کےسبب ہماراکاروبارکرنامشکل ہوگیا ہے۔جبکہ تاجروں نے چیئرمین ایف بی آرکی برطرفی تک احتجاجی کیمپ نہ ختم کرنے کااعلان کیا ہے۔