عدالت کا دودھ کی قیمتوں میں کمی لانے کا حکم

ویب ڈیسکویب ایڈیٹر

12th Nov, 2019. 05:33 pm
دودھ

کراچی: سندھ ہائیکورٹ نے کراچی میں دودھ کی قیمت 94 روپے فی لیٹر رکھنے کا بڑا حکم دے جاری کردیا۔

آج سندھ ہائیکورٹ میں دودھ مہنگے داموں فروخت کرنے پر حکام کے خلاف توہین عدالت کی درخواست پر سماعت ہوئی جس کے دوران درخواست گزار عمران شہزاد نے عدالت میں موءقف اختیار کیا کہ شہر بھر میں دودھ مہنگے داموں فروخت ہورہا ہے اور اکثر علاقوں میں 110 روپے فی لیٹر بیچا جا رہا ہے- ان کا مزید کہنا تھا کہ آل کراچی ملک ریٹیلرز ایسوسی ایشن کے خلاف توہین عدالت کی کارروائی عمل میں لائی جائے۔
اسسٹنٹ کمشنر نے عدالت کو بتایا کہ اکتوبر سے اب تک مہنگا دودھ بیچنے والوں کے خلاف کاروائی جاری ہے اور 33 لاکھ 66 ہزار روپے سے زائد جرمانے کیے اور 4 افراد کو جیل بھی بھیجا۔

عدالت نے سماعت5 دسمبر تک ملتوی کرتے ہوے دودھ کی قیمت سے متعلق ایکٹ اور قانون سازی سے متعلق رپورٹ طلب کرلی اور شہر میں دودھ کی قیمت 94 روپے فی لیٹر رکھنے کا بڑا حکم جاری کردیا ہے۔

Adsence 300X250