سندھ حکومت گندم کی قیمت میں استحکام لانے  کیلئے متحرک ہوگئی، گوداموں پر چھاپہ مارکر گندم برآمد کرنے کا فیصلہ کرلیا گیا ہے۔

تفصیلات کے مطابق وزیراعلیٰ سندھ  کی زیر صدارت گندم کے مسئلے پر اہم اجلاس  ہوا جس میں صوبائی وزیر خوراک ہری رام نے مراد علی شاہ  کو بریفنگ دی۔

اجلاس میں بتایا گیا کہ گندم کی قیمت میں استحکام لانے میں  مزید 3 دن لگیں گے جبکہ مختلف مقامات پر آٹا 45 روپے فی کلو کے حساب سے مہیا کر رہے ہیں۔

اجلاس میں وزیراعلیٰ سندھ کو مزید بتایا گیا کہ کراچی میں 75 ہزار اور حیدرآباد میں 12 ہزار بیگس  سپلائی کر چکے ہیں جبکہ صوبے کے پاس اپنی گندم 7 لاکھ  ٹن تھیجس میں سے 4 لاکھ جاری بھی کر دی گئی ہے۔

وزیراعلیٰ سندھ نے کہا کہ کراچی کے لیے ہر مہینے ایک لاکھ 30 ہزارٹن گندم جاری کی جاتی ہے، 15 مارچ تک محکمہ خوراک گندم جاری کرتی ہے، محکمہ خوراک کو ابھی بھی 2 ماہ کے لیے آٹے کی فراہمی یقینی بنانی ہے۔

آٹے کے بحران سے صدر مملکت لاعلم

صوبائی وزیر خوراک ہری رام نے بتایا کہ حیدرآباد میں پاسکو کی 12 ہزار بیگس پہنچ چکے ہیں۔

مراد علی شاہ نے محکمہ خوراک کو ہدایت کہ کہ 3 لاکھ 35 ہزار ٹن آٹا موجود ہے ،ملز کو دے کر ان سے قیمت لی، سندھ حکومت 90 ارب قرض میں سے 20 ارب بینکوں کو لوٹا چکی ہے۔

وزیراعلیٰ سندھ  نے محکمہ خوراک کو آٹے کی فراہمی یقینی بنانےکی ہدایت کرتے ہوئے ۔۔ پاسکو سے مزید گندم خریدنے  کا فیصلہ کرلیا جبکہ وزیراعلی مراد علی شاہ نے کہا ذخیرہ اندوزی کی اجازت نہیں دینگے اور محکمہ خوراک کو آٹے کی فراہمی یقینی بنانےکی ہدایت کردی گئی ہے۔

واضح رہے کہ اس سے قبل راچی میں قومی ادارہ برائے صحت اطفال اور امراض قلب میں میڈیا سے با ت چیت کر تے ہوئے صدر مملکت ڈاکٹرعارف علوی نےکہا کہ مجھے آٹےکے بحران کا علم نہیں ہے لیکن معلوم ہونا چاہیے تھا ،دعوے کرتے وقت خزانے کی حالت کا علم ہی نہیں تھا۔