ٹرانسپیرنسی انٹرنیشنل نے 2019 میں کرپشن سےمتعلق رپورٹ جاری کردی ہے۔

ٹرانسپیرنسی انٹرنیشنل نے 2019 میں کرپشن سے متعلق رپورٹ میں بتایا گیاہے کہ 2018 کی نسبت 2019 کے دوران پاکستان میں کرپشن بڑھ گئی ہے۔

 2018 کی  کرپشن پرسیپشن انڈیکس میں پاکستان کا اسکور 33 تھا جو 2019 میں کم ہو کر 32 پر آ گیاہے۔

ٹرانسپیرنسی انٹرنیشنل کی رپورٹ کے مطابق موجودہ چیئرمین جاوید اقبال کی زیرقیادت نیب کی کارکردگی بہتر رہی، نیب پاکستان نے بدعنوان عناصر سے 153ارب روپے نکلوائے۔

رپورٹ کے مطابق 2019 میں پہلا نمبر حاصل کرنے والے ڈنمارک کا اسکور بھی ایک پوائنٹ کم ہو کر 87 رہا جب کہ امریکا، برطانیہ، فرانس اور کینیڈا کا انسداد بدعنوانی کا اسکور بھی کم رہا۔

رپورٹ کے مطابق امریکا کا اسکور 2، برطانیہ، فرانس کا 4 اورکینیڈا کا انسداد بدعنوانی اسکور 4 درجہ ہوگیا جب کہ جی7کے ترقی یافتہ ممالک بھی انسداد بدعنوانی کی کوششوں میں پھنسے ہوئے ہیں۔

کرپشن روکنے کے لیے سفارشات

ٹرانسپرینسی انٹرنیشنل نے دنیابھرمیں بڑھتی ہوئی کرپشن روکنےکےلیےاپنی سفارشات میں کہا ہے کہ دنیا بھر میں سیاسی فنانسنگ کو کنٹرول کیا جائے، سیاست میں بڑے پیسے اوراثرورسوخ کو قابو کیا جائے، بجٹ اورعوامی سہولیات ذاتی مقاصد اور مفاد رکھنےوالوں کے ہاتھوں میں نہ دی جائیں۔

سفارشات میں مفادات کے تصادم اور بھرتیوں کا طریقہ تیزی سے بدلنے  پر   قابو پانے  کا  بھی  کہا گیا ہے،اس  کے علاوہ   دنیا بھر میں کرپشن روکنے کیلیے لابیزکو ریگولیٹ کیا جائے، الیکٹورل ساکھ مضبوط کی جائے اورغلط تشہیر پر پابندی لگائی جائے۔

شہریوں کو بااختیار کریں،سماجی کارکن، نشاندہی کرنے والوں اورصحافیوں کوتحفظ دینے،کرپشن روکنے کے لیے چیک اینڈ بینلنس اوراختیارات کو علیحدہ کرنےکی سفارشات بھی  گئی ہے۔