امریکہ نے قابل تجدید توانائی کے شعبے کی ترقی میں پاکستان سے تعاون کی یقین دہانی کرائی گئی ہے۔

تفصیلات کے مطابق پاکستان کے دورے پر آئی ہوئی امریکی نائب وزیر خارجہ ایلس ویلز  نے معاون خصوصی پٹرولیم ندیم بابر سے ملاقات کی ہے۔

نائب وزیر خارجہ ایلس ویلز کے ہمراہ پاکستان میں امریکہ کے ناظم الامور بھی موجود تھے، ملاقات میں امریکہ پاکستان کے مابین توانائی کے شعبے میں تعاون بڑھانے پر اتفاق کیا گیا ہے۔

معاون خصوصی پٹرولیم ندیم بابر نے اس موقع پر کہا کہ پاکستان توانائی کے شعبے میں امریکی ٹیکنالوجی، تجربے اور مہارت سے مستفید ہوسکتا ہے، پاکستان توانائی کے شعبے میں سرمایہ کاری کو فروغ دینے کا خواہشمند ہے۔

وزیر داخلہ اعجاز شاہ کی امریکی عہدیدار ایلس ویلز سے ملاقات

اس موقع پر ندیم بابر نے مزید کہا کہ ملکی توانائی کے مکس میں قابل تجدید توانائی کے حصے کو بڑھانے پر کام کیا جارہا ہے۔

انہوں نے کہا ہے کہ ملکی توانائی کی ضروریات کو پورا کرنے کے لیے ملک میں موجود تیل و گیس کے ذخائر کی تلاش و پیداوار بڑھا دی گئی ہے، امریکی نائب وزیر خارجہ ایلس ویلز نے اس موقع پر کہا کہ مستقبل میں پاکستان اور امریکہ کے درمیان توانائی کے شعبے میں تعاون مضبوط ہوگا، امریکہ قابل تجدید توانائی کے شعبے کی ترقی میں پاکستان سے تعاون کرے گا۔

واضح رہے کہ اس سے قبل امریکی نائب معاون وزیر خارجہ ایلس ویلز اور مشیر تجارت عبدالرزاق داؤد سے ملاقات ہوئی تھی۔

ملاقات میں عجاز احمد شاہ نے کہا ہے کہ دستاویزات اور کاغذی کارروائی سے متعلق پاسپورٹ اور دیگر سفری دستاویزات کی تصدیق کے عمل کے لئے لائحہ عمل مرتب کر کے ہم نے ایک اور سنگ میل عبور کر لیا گیا ہے جبکہ ملاقات میں سکیورٹی اور داخلی امور سے متعلق معاملات پر تبادلہ خیال کیا گیا تھا۔

زیر بحث آنے والے معاملات میں سب سے پہلے غیر قانونی طور پر بیرون ملک مقیم پاکستانیوں کے مسئلے کو زیر بحث لایا گیا، سئلے کا تفصیلی جائزہ لینے کے بعد ایلس ویلز نے کہا کہ ہم حکومت پاکستان کے تعاون کو سراہتے ہیں۔