ملک بھرمیں آٹے کی قیمتوں میں  اضافے اوربحران کے بعداب چینی کی قیمت میں بھی اضافہ کردیا گیا ہے۔

 ملک میں  چینی کی پیداوارکاسیزن ہونےکےباجود اس  کی قیمت بڑھنا شروع ہوگئی ہے جبکہ اس  کے ساتھ ساتھ آٹے کی طرح  چینی  کے بحران کا بھی خدشہ ہے۔

پشاور میں چینی کی 50 کلو بوری کی قیمت ایک ہفتے میں 220 روپے بڑھ گئی ہے اور فی کلو میں چار روپے کا اضافہ ہوا ہے۔

چینی کی3600 روپے میں ملنے والی بوری کی قیمت اب 3820 روپے تک پہنچ گئی ہے۔

 اس حوالےسےدوکانداروں کا کہنا ہے کہ سیزن آن ہونے کے باوجودقیمتوں میں اضافہ قابل افسوس امر ہے۔

 دوسری جانب یوٹیلیٹی اسٹورزپرچینی کی قیمت 68 روپے مقررکی گئی ہے تاہم عام دکانوں پر 78 سے 80 روپے فروخت ہو رہی ہے۔

 دکانداروں کا کہنا ہے کہ چینی اگرمتوازن قیمت پر بھی فروخت کریں تو نقصان ہو رہا ہے۔

واضح رہے کہ گزشتہ برس پاکستان میں چینی کی پیداوار تقریباََ 55 لاکھ ٹن رہی تھی اور اس وقت بھی گنے کی کٹائی کا موسم چل رہا ہے۔

عام طورپر چینی کے سیزن میں اس کا ہول سیل ریٹ کم ہو جاتا ہے کہ لیکن اس بار 80 روپے تک فروخت ہو رہی ہے۔

شوگرٹریڈرزایسوسی ایشن کے مطابق 100 کلو چینی کا تھیلا 7300 روپے سے بڑھ کر 7550 روپے کا ہوگیا ہے۔

معاملے کی نوعیت سے باخبر افرادکاکہناہےکہ اگر حکومت نے چینی کی برآمد نہ روکی تو پاکستان میں اس کی قیمت 100 روپے فی کلو تک جا سکتی ہے۔