چین اور جاپان، پاکستان اسٹیل ملز میں سرمایہ کاری کے خواہش مند

سید قاسم رضا

20th Feb, 2020. 05:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین اور جاپان، پاکستان اسٹیل ملز میں سرمایہ کاری کے خواہش مند

دوست ممالک چین اور جاپان سمیت عرب ممالک میں سے پارنٹرز نے پاکستان اسٹیل ملز میں سرمایہ کاری کی خواہش کا اظہار کیا ہے۔

تفصیلات کے مطابق ذرائع وزارت نجکاری کا کہنا ہے کہ حکومت نے پاکستان اسٹیل ملز کو حتمی طور پر نجکاری کی فہرست سے نکال دیا ہے۔

ذرائع وزارت نجکاری کا کہنا ہے کہ ایک کروڑ روپے یومیہ نقصان کرنے والی اسٹیل ملز کے لیے سرمایہ کار پارٹنر تلاش کیا جارہا ہے جس میں چین اور جاپان سمیت عرب ممالک میں سے پارنٹرز نے دلچسپی کا اظہار کیا ہے۔

اسٹیل ملز کی بحالی کے لیے بین الاقوامی کمپنی کا انتخاب کیا جائے، وزیراعظم

وزارت نجکاری کے ذرائع کا مزید کہنا ہے کہ پارٹنر کو اسٹیل ملز کی زمین کی ملکیت نہیں دی جائے گی۔سندھ حکومت کی ملکیتی زمین کسی اور مقصد کے لیے استعمال نہیں کی جائے گی۔

پاکستان اسٹیل ملز کی بحالی حکومت کی اولین ترجیح ہے، وزیراعظم

ذرائع وزارت نجکاری کے مطابق پارٹنر سے وفاق اور سندھ حکومت مل کر معاہدہ کریں گے۔معاہدے میں بینکوں کے قرضوں، ملازمین کی ملازمتوں اور منافع میں شراکت کے اصول طے کیے جائیں گے۔

وزارت نجکاری کے ذرائع نے مزید بتایا کہ یہ تمام عمل 2020 میں ہی مکمل کرلیا جائے گا۔