وزیراعظم عمران خان کی جانب سے صنعتکاروں کے لئے تعمیراتی پیکج کا اعلان کیا گیا ہے س پرپاکستان ایسوسی ایشن آف لارج اسٹیل پروڈیوسرز کا بیان سامنے آگیا ہے۔

اسٹیل انڈسٹری ایسوسی ایشن کا کہنا ہے کہ وزیر اعظم کے تعمیراتی شعبےکے پیکج میں اسٹیل انڈسٹری کو نظر انداز کر دیا گیا ہے جبکہاسٹیل انڈسٹری کے بغیر تعمیراتی صنعت چل ہی نہیں سکتی ہے۔

ان کی جانب سے یہ کہا گیا ہے کہاسٹیل انڈسٹری کے مسائل کے حل کے لئے سنجیدہ کوششوں کی ضرورت ہے۔

ایسوسی ایشن کی جانب سے کہا گیا ہے کہلاک ڈاؤن کی وجہ سے اسٹیل کمپنیاں ڈیفالٹ اور دیوالیہ ہونے کے قریب ہیں۔

ان کی جانب سے مطالبہ کیا گیا ہے کہ ملک بھر میں اسٹیل انڈسٹری کی بندش کو ختم کیا جائے اور اسٹیل کی صنعت سے وابستہ تاجروں کو دکان کھولنے کی اجازت دی جائے۔

ریلیف پیکج کا مقصد بےروزگاری پر قابو پانا ہے، حفیظ شیخ

انہوں نے مطالبہ کیا ہے کہ اسٹیل انڈسٹری کی مشکلات کے ازالے کیلئے چھ ماہ کیلئے بغیر سود کے اسٹیٹ بینک سے قرض دیا جائے اور اسٹیل انڈسٹری کے لئے ٹرن اوور ٹیکس کو صفر کر دیا جائے۔

یاد رہے کہوزیر اعظم  عمران خان نے  تعمیرات کے شعبے کے لیے 1200 ارب روپے کے پیکج کا اعلان  کرتے ہوئے کہا کہ  تعمیرات کے شعبہ میں پیسہ لگانے والوں سے کوئی سوال نہیں ہوگا۔

وزیر اعظم نے کہا کہ شعبہ تعمیرات کو انڈسٹری کا درجہ دے رہے ہیں،14 اپریل سے تعمیراتی سیکٹر کھل جائیں گے۔چاہتا ہوں تعمیرات کے شعبے سے وابستہ بےروزگاری لوگوں کو روزگار ملے۔

عمران خان نے کہا کہ تعمیراتی شعبے کے لیے فکسڈ ٹیکس کا نظام لارہے ہیں جبکہ صوبوں کے ساتھ مل کر سیلز ٹیکس بھی کم کر رہے ہیں۔

انہوں نے مزید کہا کہ  جو خاندان اپنا گھر بیچنا چاہتا ہے اس پر ٹیکس لاگو نہیں ہوگا ۔گھر بیچنے پر کوئی کیپیٹل گین ٹیکس نہیں لگے گا ۔

وزیر اعظم  نے کہا کہ نیا پاکستان ہاؤسنگ اسکیم کے لیے 30 ارب  روپے کی سبسڈی دیں گے۔نیا پاکستان ہاؤسنگ اسکیم میں سرمایہ کاری پر 90 فیصد ٹیکس معاف ہوگا۔

وزیر اعظم  کا کورونا کے حوالے سے بات کرتے ہوئے کہنا تھا کہ  پاکستان میں کورونا چیلنج مغربی دنیا سے مختلف ہے۔یہاں ایک طرف کورونا ہے تو دوسری طرٖ غربت ہے۔

عمران خان نے کہا کہ کورونا ریلیف فنڈ سے مستحقین کی مدد کریں گے۔لوگوں کو بہت جلد ریلیف ملے گا۔ نادرا کی مدد سے ڈیٹا چیک کرہے ہیں۔40 لاکھ لوگوں کو 3 سے 4 دن میں چیک مل جائیں گے۔