ای سی سی کی جانب سے وزیراعظم یوتھ بزنس لون اسکیم کے لئے 84 کروڑ روپے کے سبسڈی چارجز کی کو بھی منظور کرلیا گیا ہے۔
تفصیلات کے مطابق اقتصادی رابطہ کمیٹی نے احساس پروگرام کے تحت رقوم کی ترسیل پر 30 جون تک ٹیکس چھوٹ کی منظوری دے دی ہے جبکہ 2.5 ارب روپے کے رمضان پیکیج کو بھی منظور کرلیا گیا۔
ماہ صیام میں عوام کو ریلیف دینے کے لئے 2.5 ارب روپے کے رمضان پیکیج کی منظوری بھی دیدی گئی
یوٹیلیٹی اسٹورز پر 20 کلوآٹے کا تھیلا 800 روپے میں ملے گا، مشروبات پر 15 جبکہ بیسن پر 10 فیصد سبسڈی دی جائے گی ۔
ای سی سی کی جانب سے کارکے کیس میں لیگل فیس کی ادائیگی کے لئے 1.5 ملین ڈالر کی سپلیمنٹری گرانٹ کی منظوری بھی دی گئی ہے۔
ای سی سی میٹینگ میں پاکستان نیوکلیئر ریگولیٹری اتھارٹی کے لئے 9 کروڑ روپے سے زیادہ کی سپلیمنٹری گرانٹ منظور، پنجاب رینجرز کے ہیلی کاپٹر کی مرمت کیلئے 50 لاکھ روپے کی گرانٹ منظور اور پختوانخواہ میں ایف سی ٹریننگ سینٹر کے قیام ایڈوانس فنڈز جاری کرنے کی منظوری دی گئی ہے۔
ای سی سی نے وزیراعظم ریلیف پروگرام کے تحت یوٹیلیٹی سٹورز کیلئے 50 ارب روپے کی منظوری دی گئی ہے جبکہ یوٹیلیٹی سٹورز پر اشیائے ضروریہ کی سستے داموں فراہمی یقینی بنانے کی ہدایت بھی دے دی گئی ہیں۔
یاد رہے کہ بجلی صارفین کو ریلیف دینے سے متعلق سمری پر فیصلہ موخر کردیا گیا جبکہ ای سی سی کے کل ہونے والے اجلاس میں اس پر پھر غور کیا جائے گا ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News