وزیراعلیٰ سندھ مراد علی شاہ نے کہا ہے کہ سندھ حکومت کی پہلی ترجیح تھی کہ صوبے میں وائرس کے پھیلاؤ کو کم کیا جائے۔

تفصیلات کے مطابق وزیراعلیٰ سندھ مراد علی شاہ کی صدارت میں کراچی کے کاروباری افراد کے ساتھ اجلاس ہوا، اجلاس سے خطاب کرتے ہوئے انہوں نے کہا کہ میں نے موجودہ صورتحال میں تمام اسٹیک ہولڈرز کو اعتماد میں لے کر وائرس کے پھیلاؤ پر فیصلے کیے ہیں۔

انہوں نے کہا کہ مارچ سے 3 اپریل تک دنیا میں کورونا نے مزید تباہی مچائی ہے لیکن ہماری حکومت کی پہلی ترجیح یہ ہے کہ ہر صورت وائرس کو کم کریں اور ختم تب کرسکتے ہیں جب اس کے خاتمہ کی کوئی دوائی بن جائے، اس کنٹیمنٹ پالیسی کے تحت ہم نے سخت اقدامات کیے ہیں۔

ان کا کہنا تھا کہ ملک بھر میں 3000 کے قریب کورونا کیسس کی تصدیق ہوچکی ہے لیکن اب تک کچی آبادیوں سے کسی کیس کی تصدیق نہیں ہوئی ہے اور اگر کچی آبادی میں یہ وباء پھیل گئی تو اسے کنٹرول کرنا مشکل ہوجائےگا، یہی وجہ ہے کہ سندھ حکومت نے سخت اقدامات کئے۔

قوم جلد اس کورونا کے چیلنج سے نکلے گی، وزیراعظم

مراد علی شاہ نے کہا کہ لک ڈاؤن سے ہماری معیشت بری طرح متاثر ہورہی ہے اور آگے بھی مزید ہوگی

پی ایم اے کاکول میں پاسنگ آؤٹ پریڈ

انہوں نے کہا کہ صورتحال ایسی ہے کہ کورونا مریض کے فوتگی میں سگا بھائی بھی جانے سے گبھراتا ہے اور اللہ نہ کرے اگر صورتحال خراب ہو جائے تو سوچیں پھر کیا ہوگا، میں اسی دن سے ڈرتا ہوں اور اللہ پاک سے دعاگو ہوں کہ ایسی حالت سے ہمیں بچائیں۔

یاد رہے کہ اجلاس میں قاسم سراج تیلی، میاں زاہد، محمد علی تابا، زین بشیر، خالد مجید، امان قاسم، خرم اعجاز، جاوید بلوانی، زبیر چھایا، فواد انور اور بشیر رشید، ڈپٹی چیئرمین سینیٹ سلیم ماندوی والا، صوبائی وزراء سعید غنی، مکیش چاولا، امتیاز شیخ اور ناصر حسین شاہ شریک ہوئے۔

وزیراعلیٰ سندھ کے پرنسپل سیکریٹری ساجد جمال ابڑو، کمشنر کراچی ، سیکریٹری لیبر بھی اجلاس میں شریک ہوئے۔