پاکستان اسٹیٹ آئل (پی ایس او) نے ہائی اوکٹین کی قیمت میں فی لیٹر میں 15 روپے کمی کردی ہے۔
پی ایس او کی جانب سے عوام کے لئے خوشخبری، پی ایس او نے عوام کو ریلیف دینے کے لئے ایک اور قدم اٹھا لیا ہے۔
پی ایس او کی جانب سے ہائی اوکٹین کی قیمت میں مزید کمی کا اعلان کردیا یگا ہے، ہائی اوکٹین کی قیمت میں کل 15 روپے فی لیٹر کی کمی کی گئی ہے۔
تفصیلات کے مطابق 15 روپے کمی کے بعد ہائی اوکٹین کی قیمت142 روپے فی لیٹرہوگئی ہے۔
دوسری جانب نجی ٹی وی سے گفتگو کرتے ہوئے وزیراعظم کے معاون خصوصی برائے پیٹرولیم ندیم بابر کا کہنا تھا کہ قانونی طور پر اوگرا یا وزارت خزانہ ایچ او بی سی (ہائی اوکٹین) کی قیمت متعین نہیں کرسکتیں، ہائی اوکٹین پیٹرول کی ضرورت سے زیادہ قیمت کی تحقیقات کے لیے اوگرا کو خط لکھا ہے جبکہ قانونی طور پر قیمت کو دیکھنا ریگیولیٹر کا کام ہے۔
انہوں ںے کہا کہ پیٹرولیم مصنوعات کی قیمت کو طے کرنے کے طریقہ کار میں اصلاحات کی جائیں گی، بین الاقوامی مارکیٹ میں تیل کی قیمت میں کمی کی وجہ سے آئل کمپنیوں اور ریفائنریز کو نقصان ہوا ہے، اپنے نقصان کو پورا کرنے کیلئے اب آئل کمپنیز ضرورت سے زیادہ منافع کمانا چاہ رہی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News