سی این جی اسٹیشنز پھر سے بند ہوگئے


عروبہ خانویب ایڈیٹر

25th January, 2021
CNG stations are closed again after one day of availability
Square ad 300 x 250

کراچی سمیت سندھ بھر میں چھ روز بعد کھلنے والے سی این جی اسٹیشن چوبیس گھنٹوں کے بعد دوبارہ بند ہوگئے ہیں۔

تفصیلات کے مطابق گزشتہ ہفتے گیس کی عدم فراہمی کے باعث شہر کراچی میں سی این جی اسٹیشنز ایک ہفتے کے لئے بند رہے تھے تاہم  اتوار کےروز کھلنے والے اسٹیشنز آج پھر بند کردیئے گئے ہیں۔

پیر کی صبح آٹھ بجے تمام اسٹیشنوں کو گیس کی فراہمی دوبارہ بند کردی گئی ہے جس کے بعد سی این جی اسٹیشنوں کے ساتھ ساتھ آر ایل این جی پرمنتقل ہونے والے اسٹیشن بھی اس ہی شیڈول پر عملدرآمد کریں گے۔

اتوارکی صبح سے چوبیس گھنٹوں کے لیے گیس کی فراہمی بحال کی گئی تھی جس کی بعد پیرکی صبح آٹھ بجے تمام اسٹیشنوں کوگیس کی فراہمی دوبارہ بندکردی گئی ہے۔