حکومتی کی جانب سے رواں مالی سال کی ششماہی تک لئے جانے والے غیرملکی قرضوں کی رپورٹ جاری کردی گئی ہے۔
جاری کردہ رپورٹ میں بتایا گیا ہے کہ رواں مالی سال کی ششماہی تک لئے جانے والے غیرملکی قرضے گزشتہ مالی سال سے 6 فیصد زائد ہیں اور رواں مالی سال کل 12 ارب 23 کروڑ ڈالر سے زائد کا قرض لینا ہے۔
حکومت نے جولائی تا جنوری 6.7 ارب ڈالر کے غیر ملکی قرضے لئے ہیں جبکہ صرف ماہ جنوری میں حکومت نے 96 کروڑ ڈالر کے غیر ملکی قرضے لئے گئے ہیں۔
رپورٹ میں بتایا ہے کہ مجموعی قرضوں کا 13 فیصد پروجیکٹ فنانسنگ میں استعمال ہوگا تاہم اب تک لئے گئے غیر ملکی قرضے میں سے 1.6 ارب ڈالر سے زائد بجٹ سپورٹ کیلئے ہے۔
رپورٹ میں مزید بتایا گیا ہے کہ حکومت نے جنوری میں 67.5 کروڑ ڈالر کے مہنگے قرضے تجارتی بینکوں سے حاصل کئے جبکہ ایشیائی ترقیاتی بینک سے 1ارب 13 کروڑ 10 لاکھ ڈالر قرض لیا گیا اور عالمی بینک سے 83 کروڑ ڈالر کا قرض لیا گیا ہے۔
اسکے علاوہ فرانس نے پاکستان کو 3 کروڑ 48 لاکھ ڈالر اور چین نے 9 کروڑ 54 لاکھ ڈالر دیئے ہیں اور امریکہ نے پاکستان کو 7 کروڑ 44 لاکھ ڈالر قرض فراہم کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News