گزشتہ سال کی نسبت 2021 کے آغاز میں ہی پاکستان کی برآمدات میں کمی ریکارڈ کرتے ہوئے رپورٹ جاری کردی گئی ہے۔
اس ضمن میں جاری رپورٹ کے مطابق جنوری 2021 میں پاکستانی برآمدات 343 ارب روپے سے زائد رہیں تاہم جنوری 2020 میں پاکستانی برآمدات 378 ارب روپے سے زائد ریکارڈ کی گئی تھیں۔
ادارہ شماریات کا کہنا ہے کہ جنوری 2020 کے مقابلے میں جنوری 2021 میں برآمدات میں 9.28 فیصد کمی ریکارڈ کی گئی ہے۔
رپورٹ کے مطابق کاٹن کے کپڑے کی برآمد میں 10.80 فیصد کمی اور کارٹن یارن کی برآمد میں 7.20 فیصد کمی ہوئی ہے جبکہ باسمتی چاول کی برآمد 20.44 فیصد رہی ہے۔
علاوہ ازیں گزشتہ سال جنوری کے مقابلے میں جنوری 2021 میں درآمدات میں 21.12 فیصد کا اضافہ ہوا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News